وسكەمەندە 25 ەڭبەك ۇجىمى پرەزيدەنتتىك سايلاۋ وتكىزۋدى قولدادى
قازاقستانداعى ەڭ ءىرى ساياسي پارتيانىڭ باستاۋىش بۋىنى مۇشەلەرى سايلاۋ وتكىزۋ باستاماسىن قولداعان كوپتەگەن جينالىستار وتكىزدى. سونىمەن بىرگە، وتكەن جينالىستاردا قالالىق XVIІ كونفەرەنتسياعا دەلەگاتتار سايلاندى، وندا وبلىستىق پارتيا كونفەرەنتسياسىنا دەلەگاتتار سايلاناتىن بولادى.
«نۇر وتان» پارتياسى وبلىستىق فيليالىندا اتاپ وتىلگەندەي، وسكەمەننىڭ باستاۋىش ۇيىمدارىنىڭ مۇشەلەرى ازاماتتىق ۇستانىمدارىن بىلدىرە وتىرىپ، بۇرىن-سوڭدى بولماعان بەلسەندىلىك كورسەتۋدە.
مىسالعا «10№ وسكەمەن سايلاۋ وەكرۋگى» باستاۋىش پارتيا ۇيىمىنىڭ بەلسەندى مۇشەسى، «قازاق تەلەكوم» ا ق شىعىس قازاقستان وبلىستىق تەلە كوممۋنيكاتسيا ديرەكسياسى پارتيا توبى ءتوراعاسىنىڭ ورىنباسارى بەيبىت اسكەرحانوۆ سەرىكتەستەرىنە ۇندەۋ تاستادى.
«ءبىز بۇگىن، قازاقستان رەسپۋبليكاسىنىڭ ازاماتتارى سەرپىندى دامىپ وتىرعان الەمدە، بەيبىت جانە تۇراقتى مەملەكەتتە ءومىر ءسۇرىپ وتىرمىز! پرەزيدەنتتىڭ كورەگەندىك جانە بايسالدى ساياساتىنىڭ ارقاسىندا قازاقستان الەمنىڭ تابىستى دامىپ وتىرعان مەملەكەتتەرىنىڭ قاتارىنا كىرىپ وتىر. سونداي-اق ءبىزدىڭ ەلىمىزدە حالىقتىڭ ءوزىن-ءوزى جەتىلدىرۋىنە، مەملەكەتتىڭ ءوزىنىڭ ودان ءارى دامۋىنا قاجەتتى بارلىق جاعدايلار جاسالعان، سوندىقتان دا ءبىزدىڭ پارتيامىزدىڭ بەلسەندى مۇشەلەرى 2015-جىلى ەل پرەزيدەنتى سايلاۋىن وتكىزۋ جونىندەگى قازاقستان حالقى اسسامبلەياسى كەڭەسىنىڭ باستاماسىن تولىعىمەن قولدايدى»، - دەدى ول.
«7№ وسكەمەن سايلاۋ وكرۋگى» باستاۋىش ۇيىمدى دا وسىنداي بەلسەندىلىك كورسەتتى. دوستىق ۇيىندەگى پارتيا جينالىسىندا «نۇر وتان» قۇرىلعاننان بەرى پارتيا مۇشەسى بولىپ كەلە جاتقان، قازاقستان حالقى اسسامبلەياسىنىڭ مۇشەسى، وسكەمەن قالاسىنىڭ قۇرمەتتى ازاماتى لەو بوگدانوۆيچ شيك ءوزىنىڭ ق ح ا شەشىمىمەن بىرگە ەكەنىن ءبىلدىردى.