قالالىق پوليتسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، سوڭعى ەكى اپتادا شاھار بويىنشا «اۆتوبۋس» جەدەل الدىن الۋ شاراسى جۇرگىزىلگەن. مۇنداعى ماقسات - قوعامدىق كولىكتەردى جانە جولاۋشى تاسىمالىن جۇزەگە اسىراتىن جۇرگىزۋشىلەردى تەكسەرۋ، جول ەرەجەسىن بۇزۋدىڭ الدىن الۋ.
«شارا قورىتىندىسى بويىنشا پوليتسيا قىزمەتكەرلەرى اۆتوبۋس جۇرگىزۋشىلەرى تاراپىنان جاسالعان 256 بۇزۋشىلىقتى انىقتادى. ونىڭ ىشىندە مانيەۆر جاساۋ ەرەجەلەرىن بۇزۋ بويىنشا - 34، تەحنيكالىق بايقاۋدان وتپەگەن اۆتوبۋستاردى باسقارعان - 12 ادام جاۋاپقا تارتىلعان»، - دەپ حابارلادى ۆەدومستۆو وكىلدەرى.
سونداي-اق 32 جۇرگىزۋشى رۋلگە وتىرعان كەزدە تەلەفون پايدالانسا، 4 قوعامدىق كولىكتە زاڭسىز قايتا جابدىقتاۋ فاكتىسى تىركەلدى.