قازاقستاندىق 250 اسكەري قىزمەتشى افريكاداعى ميسسياعا دايىندالۋدا - قورعانىس ءمينيسترى
«حالىقارالىق ىقتىماقتاستىق كەزىندە بىرلەسكەن وقۋ- جاتتىعۋ وتكىزۋ جالعاسۋدا. قازاقستاننىڭ بىتىمگەرشىلىك وپەراتسياعا قاتىسۋ اياسى كەڭەيۋدە. سوڭعى 10 جىلدا 600 دەن استام اسكەري قىزمەتشى بىرىككەن ۇلتتار ۇيىمى كونتينگەنتىندە قىزمەت وتكەرىپ، تاجىريبە جيناقتادى. ءقازىر 250 ادام افريكاداعى ميسسسياعا دايىندالۋدا»، - دەدى قورعانىس ءمينيسترى پرەزيدەنت - جوعارعى باس قولباسشى قاسىم- جومارت توقايەۆتىڭ قاتىسۋىمەن ءوتىپ جاتقان بۇكىل ارميالىق كەڭەستە.
سونىمەن قاتار ول بۇكىلارميالىق كەڭەس اسكەري قىزمەتشىلەردىڭ مورالدىق رۋحىن ءارقاشان بيىك ۇستاۋعا، وتانىن قورعاۋ قاسيەتتى بورىشىنا بەرىك بولۋعا جاڭا سەرپىن بەرگەنىن اتاپ ءوتتى.
«قارۋلى كۇشتەردىڭ جەكە قۇرامى ەل تاۋەلسىزدىگى مەن ەگەمەندىگىن قورعاۋ مىندەتىن ورىنداۋعا ءارقاشان دايىن» ، - دەدى رۋسلان جاقسىلىقوۆ.
وسىعان دەيىن اسكەري قىزمەتشىلەردىڭ جورىق كيىمىنىڭ جاڭا ۇلگىسى تانىستىرىلعانى حابارلاندى.