قازاقستاننىڭ قاتارعا ەكسپورتى 250 ميلليون دوللارعا دەيىن ارتادى - ۇكىمەت
تاراپتار ەكى ەلدىڭ ساۋدا سالاسىنداعى ىنتىماقتاستىقتى ءوزارا ءتيىمدى جانە تەڭ قۇقىلى نەگىزدە دامىتۋعا جانە نىعايتۋعا جاردەمدەسۋ نيەتىن بەكىتتى. اتاپ ايتقاندا، قۇجات شيكىزاتتىق ەمەس تاۋارلار مەن قىزمەتتەر ەكسپورتىن دامىتۋ مەن ىلگەرىلەتۋدى، ساۋدا ينفراقۇرىلىمىن جەتىلدىرۋدى، بيرجالىق ساۋدانى جانە ەلەكتروندىق كوممەرتسيانى دامىتۋدى، مەملەكەتتىك جانە جەكە سەكتورلار اراسىنداعى ديالوگقا جاردەمدەسۋدى، ىسكەر توپتاردىڭ، قاۋىمداستىقتار مەن بيزنەس- قاۋىمداستىقتاردىڭ ءوزارا قىزىعۋشىلىق تۋدىراتىن ماسەلەلەرى بويىنشا ىنتىماقتاستىعىنا جاردەمدەسۋدى جانە باسقا دا باعىتتاردى ايقىندايدى.
«تاۋار اينالىمىن ۇلعايتۋ جونىندەگى شارالار رەتىندە ءبىزدىڭ ەكسپورت قۇرىلىمىن ءارتاراپتاندىرۋدى جۇرگىزۋگە بولادى دەپ سانايمىز. ورتا مەرزىمدى پەرسپەكتيۆادا قازاقستاندىق وڭدەلگەن ءونىمنىڭ قاتارعا ەكسپورتىن $250 ميلليونعا دەيىن، ونىڭ ىشىندە اۋىل شارۋاشىلىعى تاۋارلارى بويىنشا $68 ميلليونعا دەيىن ارتتىرا الامىز. بىزدە بىرىككەن اراب امىرلىكتەرىنە ەت پەن سۋبونىمدەردى جەتكىزۋدە وڭ تاجىريبە بار. ءبىز كاتار نارىعىنا ەت جانە ەت ونىمدەرىن ەكسپورتتاۋدى ارتتىرۋعا دايىنبىز»، - دەدى سەرىك جۇمانعارين.
سونىمەن قاتار ستاندارتتاۋ، سايكەستىكتى باعالاۋ جانە مەترولوگيا سالاسىنداعى ىنتىماقتاستىقتى حالىقارالىق قاعيداتتار مەن نورمالار نەگىزىندە نىعايتۋ ماقساتىندا ق ر ساۋدا جانە ينتەگراتسيا مينيسترلىگى مەن قاتاردىڭ ستاندارتتاۋ جونىندەگى باس ۇيىمى اراسىندا ءوزارا تۇسىنىستىك تۋرالى مەموراندۋمعا قول قويىلدى.
قازاقستاندا حالىقارالىق ستاندارتتارعا نەگىزدەلگەن جانە الەمدىك جەتەكشى حالال ونىمدەر نارىعىنا باعدارلانعان ساپا ينفراقۇرىلىمىنىڭ جاڭا جۇيەسىن قۇرۋ بۇگىنگى تاڭدا ب ا ءا ەلدەرىمەن ساۋدا سالاسىنداعى ماڭىزدى مىندەتتەردىڭ ءبىرى سانالادى.
2022-جىلى قىركۇيەكتە ق ر ساۋدا جانە ينتەگراتسيا مينيسترلىگىنىڭ «قازستاندارت» حالال ونىمدەرىن سەرتيفيكاتتاۋدى جۇرگىزۋ ءۇشىن ب ا ءا حالىقارالىق اككرەديتتەۋ ورتالىعىنان اككرەديتاتسيا الدى. بۇل قازاقستاننىڭ ەكسپورتتىق الەۋەتىن ىسكە اسىرۋعا جانە پارسى شىعاناعى ەلدەرىنىڭ نارىعىنا قاۋىپسىز جانە ساپالى ءونىم جەتكىزۋگە مۇمكىندىك بەرەدى.