نان 250 تەڭگەدەن اسۋى مۇمكىن. ساراپشىلار نان باعاسىنا بولجام جاسادى
ولار بۇل الەۋمەتتىك ماڭىزى بار ءونىم قۇنى 250 تەڭگەگە دەيىن، ءتىپتى ودان دا جوعارى بولۋى مۇمكىن دەپ وتىر، - دەپ حابارلايدى Tengrinews.kz ءتىلشىسى.
مۇنىڭ سەبەبى ۇن باعاسىنىڭ كۇرت ءوسۋى، دەيدى ساراپشىلار. جاز باسىنان بەرى باعا ءۇش پايىزعا وسكەن. ديىرمەنشىلەر مەن استىق وڭدەۋشىلەر رەسەيلىك وندىرۋشىلەردىڭ قاپتاپ كەلۋىنە الاڭداۋلى.
«نان 250 تەڭگەدەن دە قىمبات بولادى. وسىنىڭ ءبارى ۋتيلالىمنىڭ، كەدەندىك وداققا مۇشە ەلدەر اراسىنداعى ساۋدا ساياساتىن اجىراتۋدىڭ، ماقساتتى تۇجىرىمداۋ مەن مۇددەلەر قايشىلىعىنىڭ شەشىلمەگەن ماسەلەسى. وسىدان بارىپ ونىمدەر باعاسىنا الىپساتارلىق اسەر ەتەدى. سوندىقتان، نان باعاسى كوتەرىلسە، تاڭعالماڭىز»، - دەدى ەكونوميست ايمان تۇرسىنقان.
ال ديىرمەنشىلەر مەن استىق وڭدەۋشىلەر ۇن باعاسىنىڭ قىمباتتاۋى ولاردىڭ كىناسىنەن ەمەس ەكەنىن ايتادى. اڭگىمە شەكتەن تىس ەكسپورتتا - شەتەل ترەيدەرلەر الدەقاشان دايىن ءونىمدى ەمەس، شيكىزاتتى ساتىپ الىپ، ءوز ەلىندە وڭدەپ ءجۇر. وسىعان بايلانىستى ءبىزدىڭ ديىرمەنشىلەردە وڭدەيتىن ەشتەڭە جوق.
«2022 -جىلعى شىلدە بويىنشا قازاقستانداعى 2300 ۇن تارتاتىن كاسىپورىننىڭ 174 ى عانا قالدى. ولار ءوز قۇنى بويىنشا عانا جۇمىس ىستەيدى، تابىس ەكى پايىزدى عانا...» - دەدى ۇن تارتۋ كاسىپورنىنىڭ ديرەكتورى دوس-مۇقاسان تاۋكەبايەۆ.