ب ق و تىلدەردى دامىتۋ باسقارماسى باسشىسىنىڭ مىندەتىن اتقارۋشى سۆەتا عانييەۆانىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگىدە ءمالىم ەتكەنىندەي، بۇل - وسى ۋاقىتقا دەيىن جۇيەلى جۇرگىزىلگەن مەملەكەتتىك ءتىل ساياساتىنىڭ جەمىسى.
ونىڭ ايتۋىنشا، «كونستيتۋتسيانىڭ 7-بابىن جۇزەگە اسىرۋ ماقساتىندا ۇكىمەت، جەرگىلىكتى وكىلدى جانە اتقارۋشى ورگاندار، ارناۋلى زاڭعا سايكەس، قازاقستان رەسپۋبليكاسىنىڭ بارلىق ازاماتتارى مەملەكەتتىك ءتىلدى ەركىن ءارى تەگىن مەڭگەرۋى ءۇشىن قاجەتتى ۇيىمداستىرۋشىلىق، ماتەريالدىق جانە تەحنيكالىق جاعدايدىڭ ءبارىن جاساۋعا مىندەتتى» دەپ كورسەتىلگەن.
اتالمىش باپتى ورىنداۋ ماقساتىندا جىلما- جىل قازاق ءتىلىن وقىتۋ كۋرستارى ۇيىمداستىرىلىپ كەلەدى. سوڭعى ءۇش جىلدىڭ ىشىندە 4 مىڭعا جۋىق ادام ءتىل كۋرسىن ءتامامدادى. باتىس قازاقستان وبلىستىق تىلدەردى دامىتۋ باسقارماسى ەرەسەكتەرگە ارنالعان قازاق جانە اعىلشىن تىلدەرىن تەگىن وقىتۋ كۋرسىنا قابىلداۋ جۇرگىزەدى. وعان 18-گە تولعان ءتىلدى مەڭگەرۋگە نيەت بىلدىرگەن وبلىس تۇرعىندارى قاتىسا الادى.
سونداي- اق باسقارما جانىنان قازاق ءتىلىن جەتىلدىرگىسى كەلگەن وزگە ەتنوس وكىلدەرىنە جانە بارلىق تىلەك بىلدىرۋشىلەرگە ارنالعان كلۋب بيىل ىسكە قوسىلىپ، ناتيجەلى جۇمىستار جۇرگىزىلۋدە. اتالمىش كلۋبتىڭ ماقساتى - ازاماتتارعا قازاق ءتىلىن گرامماتيكاسىز، تۇرمىستىق دەڭگەيدە اۋىزەكى سويلەۋگە ۇيرەتۋ. كلۋب مۇشەلەرىنىڭ قۇرامىنا قازاق ءتىلى مەن ادەبيەتى ءپانىنىڭ مۇعالىمدەرى، مەملەكەتتىك ءتىلدى جەتىك مەڭگەرگەن وزگە ۇلت وكىلدەرى، ۆولونتەر جاستار ەنگىزىلدى.
سۆەتا عانيەۆانىڭ سوزىنە قاراعاندا، تاۋەلسىزدىكتىڭ 30 جىلدىعىنا وراي «مەملەكەتتىك ءتىل - مەنىڭ ءتىلىم» اتتى جيناق شىعارىلماقشى. جيناققا ءوڭىر بويىنشا مەملەكەتتىك ءتىلدى ەركىن مەڭگەرگەن، سونداي- اق قوعامدىق ومىرگە بەلسەنە قاتىسىپ، ءوڭىردىڭ دامۋىنا ۇلەسىن قوسىپ جۇرگەن 100-گە جۋىق وزگە ەتنوس وكىلدەرى تۋرالى مالىمەتتەر ەنگىزىلۋدە.
جۇرگىزىلگەن الەۋمەتتىك زەرتتەۋ قورىتىندىسى بويىنشا مەملەكەتتىك ءتىلدى مەڭگەرگەن وبلىس تۇرعىندارىنىڭ ۇلەسى - 92 پايىز. بۇل دەگەنىمىز 80 پايىزعا جۋىق مەملەكەت قۇراۋشى ۇلت وكىلدەرى تۇراتىن وبلىستا مەملەكەتتىك تىلدە سويلەپ، جازۋعا ەش كەدەرگى جوق ەكەندىگىن كورسەتەدى.
رەسەي فەدەراتسياسىندا تۇراتىن قازاق دياسپورا وكىلدەرىمەن ادەبي- مادەني بايلانىستى دامىتۋ، ۇلتتىق بىرەگەيلىكتى ساقتاۋ، رۋحاني جانە تاريحي- مادەني مۇرانى نىعايتۋ، سونداي- اق ولارعا انا ءتىلىن ۇيرەنۋدە ادىستەمەلىك جانە ۇيىمداستىرۋشىلىق قولداۋ كورسەتۋ ماقساتىندا «Аltyn kópir» حالىقارالىق فەستيۆالى وتكىزىلىپ كەلەدى. اتالمىش شاراعا رەسەي فەدەراتسياسىنىڭ سامارا، ساراتوۆ، ورىنبور، كۋرگان وبلىستارى بويىنشا قازاق دياسپوراسىنىڭ جاس وكىلدەرى قاتىسىپ، جەرگىلىكتى لينگۆيست عالىمدار، ولكەتانۋشىلار، قولونەر باعىتىندا قىزمەت ەتەتىن كاسىبي ماماندار، تاريح ماماندارى جانە جاستار قوعامدىق ۇيىمدارى كوشباسشىلارى تارتىلدى.
سونىمەن قاتار 2021 -جىلدىڭ ناۋرىز ايىنان باستاپ انا ءتىلىن مەڭگەرۋگە نيەت بىلدىرگەن رەسەي فەدەراتسياسىندا تۇراتىن قازاق دياسپورا وكىلدەرىنە ونلاين 100 ساعات، وفلاين 8 ساعات كولەمىندە قازاق تىلىنەن ا2 دەڭگەيىندە 25 ادامعا ارنالعان تەگىن ساباقتار جۇرگىزىلدى.
مەملەكەتتىك مەكەمەلەردەن جيناقتالعان اقپاراتقا قاراعاندا، وبلىس بويىنشا قۇجات اينالىمداعى مەملەكەتتىك ءتىلدىڭ ۇلەسى 2021 -جىلدىڭ 3 توقسانىندا 96 پايىزدى قۇرادى.
«ونوماستيكا سالاسىندا دا ءتيىستى جۇمىستار اتقارىلىپ كەلەدى. ەگەمەندىككە قول جەتكىزگەن 1991 -جىلدان باستاپ بۇگىنگە دەيىن وبلىس بويىنشا يدەولوگيالىق تۇرعىدان ەسكىرگەن نەمەسە ءمان- ماعىناسىن جوعالتقان 5 اۋداننىڭ، 95 ەلدى مەكەننىڭ، 1726 كوشەنىڭ اتاۋلارى وزگەرتىلدى. وبلىس ورتالىعى ورال قالاسىندا جالپى سانى 832 كوشە بولسا، 627 كوشەنىڭ اتاۋى (75 پايىزى) ۇلتتىق اتاۋلارمەن اتالعان»، دەدى س. عانيەۆا.
ەسكە سالا كەتەيىك، بۇدان بۇرىن ورال اۋەجايىنا مانشۇك مامەتوۆانىڭ ەسىمىن بەرۋ ۇسىنىلعانىن جازعان بولاتىنبىز.
اۆتور: ەلجان ەرالى