اباي مۋزەيى ەكسپوزيتسياسىن جاڭعىرتۋعا 250 ميلليون تەڭگە بولىنبەك
08:26, 11 - اقپان 2020
وسكەمەن. قازاقپارات. «جيدەباي- ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۋزەيىنىڭ ديرەكتورى جاندوس اۋباكىر اباي مۋزەيى ەكسپوزيتسياسىن جاڭعىرتۋعا 250 ميلليون تەڭگە بولىنەتىنىن ايتتى، دەپ حابارلايدى قازاقپارات.
قازىرگى ۋاقىتتا قورىق- مۋزەيىندە حاكىمنىڭ 175 جىلدىعىنا بايلانىستى قىزۋ ازىرلىك جۇمىستارى جۇرگىزىلۋدە. مۋزەي كەشەنىن قايتا جاڭعىرتۋ، اعىمداعى جانە كۇردەلى قۇرىلىس جۇمىستارىن جۇرگىزۋ، اباتتاندىرۋ، جارىقتاندىرۋ شارالارى قولعا الىنعان.
«باس مۋزەيدەگى جوندەۋ جۇمىستارىن جۇرگىزۋ ءۇشىن 30 ميلليون تەڭگە جانە اباي مۋزەيى ەكسپوزيتسياسىن جاڭعىرتۋعا 250 ميلليون تەڭگە بولىنبەك. ۇلى اقىننىڭ مەرەيتويىندا كوپتىڭ نازارى ونىڭ تۋىپ-وسكەن جەرىنە اۋاتىنى انىق. سول ءۇشىن مۋزەي ماماندارىنا ارتىلار جۇك جەڭىل ەمەس»، - دەيدى جاندوس اۋباكىر.
ەستەرىڭىزگە سالا كەتسەك، وسىعان دەيىن ۇلى اقىننىڭ كىندىك قانى تامعان جەر - سىرت قاسقابۇلاقتىڭ اباتتاندىرىلاتىنى حابارلانعان بولاتىن.