«بىزدە 26 مەملەكەتتىڭ 250-دەن استام كومپانياسى تىركەلدى. ولار ساپاسى مەن سانى جاعىنان ءارتۇرلى. ءىرى كومپانيالار، الەمدىك كوممەرتسيالىق بانكتەر بار. ارالارىندا جاڭا تەحنولوگيالارى ەندى قولدانىپ جۇرگەندەر كەزدەسەدى. ءبىراق ءبىز 10 جىل ىشىندە كومپانيالار سانىنىن 1000-عا جەتكىزۋدى كوزدەپ وتىرمىز »، - دەدى ق. كەلىمبەتوۆ الماتىداعى قارجىگەرلەر فورۋمىندا.
«حالىقارالىق قارجى ورتالىعى اياسىندا، ينۆەستورلار تالابىنا جاۋاپ بەرەتىن پلاتفورمانىڭ بىرنەشە دەڭگەيلەرى بار. بىرىنشىدەن، بۇل قۇقىقتىق الاڭ. ت م د ەلدەرى اراسىندا ءبىز جەكە قۇقىقتىڭ قاعيداتتارى مەن نورمالارىنا نەگىزدەلگەن جەكە كوممەرتسيالىق، كەلىسىمشارتتىق زاڭدى قولداناتىن جالعىز ەلمىز.
ەكىنشى باعىت - رەتتەگىش. ءبىز ءوزىمىزدىڭ رەتتەۋشىمىزدى قۇردىق. بۇل قارجى ينستيتۋتتارىن تىركەۋگە جانە قارجىلىق ليتسەنزيا بەرۋگە مۇمكىندىك بەرەدى.
قۇقىقتىق ورتادان كەيىن ءبىز ۇسىناتىن وتە ماڭىزدى دەڭگەي - قارجىلىق پلاتفورما. سىزدەر امەريكالىق كومپانيامەن بىرلەسكەن جاڭا بيرجانىڭ قۇرىلعانىن بىلەسىز. ءبىز الەمدەگى ەكىنشى بيرجامىز جانە ءوز تەحنولوگيامىزدى بەلسەندى تۇردە تاراتۋدامىز. بۇل ماڭىزدى قادام بولدى، ويتكەنى كاپيتال نارىعىن قايتا باستاۋ ءۇشىن بىزگە بانكتىك نەسيەلەندىرۋ عانا ەمەس، سونىمەن قاتار كاپيتال نارىعىندا قارجىلاندىرۋدىڭ جاڭا قۇرالى قاجەت»، - دەپ تولىقتىردى كەلىمبەتوۆ.
سونىمەن قاتار، ول ءتۇرلى ينۆەستيتسيالىق قورلارعا ليتسەنزيا بەرىلەتىندىگىن اتاپ ءوتتى. جۋىردا قازاقستاندىق جەكە ينۆەستيتسيالار قورى قۇرىلدى. بۇگىنگى تاڭدا جارعىلىق كاپيتالدا 70 ميلليارد تەڭگە بار.
«بۇگىن ءبىز پلاتفورمامىزدىڭ بىرنەشە دەڭگەيىن بىرىكتىرگىمىز كەلەدى. ول قارجىلىق، زاڭدىق، تەحنولوگيالىق ءبولىم بۇل بىزگە العا جىلجۋ قۇقىعىن بەرەدى»، - دەدى احقو باسقارۋشىسى.
ايتا كەتۋ كەرەك، الماتىدا ا ح ق و حالىقارالىق ينۆەستورلار اپتالىعى ءوتىپ جاتىر. وعان «استانا» حالىقارالىق قارجى ورتالىعى (ا ح ق و)، مەملەكەتتىك ورگاندار، سونىمەن قاتار الماتى قالاسىنىڭ ىسكەر جانە اكادەميالىق ورتا وكىلدەرى قاتىسۋدا. بۇعان دەيىن فورۋم تۇركىستاندا وتكەن بولاتىن.
اۆتور: الما مۇقانوۆا