«مونەتا ديزاينىندا قازاقستان رەسپۋبليكاسى ۇلتتىق ۆاليۋتاسىنىڭ ستيليستيكاسىندا «ماڭگىلىك ەل» جالپىۇلتتىق يدەيا قۇندىلىقتارىن تاڭبالاۋ جونىندەگى ق ر پرەزيدەنتىنىڭ ۇسىنىسىن ىسكە اسىرۋ ماقساتىندا قازاقستان حالىقتارىنىڭ بىرلىگىن كورسەتەتىن ۇلتتىق كيىم ۇلگىسىندەگى ادامداردىڭ بەينەسى پايدالانىلدى»، - دەپ حابارلادى ۇلتتىق بانك باسپا ءسوز قىزمەتىندە. «قازاقستان تاۋەلسىزدىگىنىڭ 25 جىلدىعى» كۇمىس مونەتاسىنىڭ بەتكى جاعى نومينالدىڭ ءتيىستى مونەتاداعى بەلگىسىمەن عانا ەرەكشەلەنەدى. بەتكى جاعىندا ورتا بولىگىندە مەملەكەتتىك تىلدە «قازاقستان رەسپۋبليكاسى» جانە ورىس تىلىندە «رەسپۋبليكا كازاحستان» دەگەن جازبامەن جانە ۇلتتىق ويۋمەن كومكەرىلىپ، قازاقستان رەسپۋبليكاسىنىڭ ەلتاڭباسى بەينەلەنگەن. تومەنگى بولىگىندە مونەتا نومينالىن كورسەتەتىن جازبا بار. جوعارعى بولىگىندە ق ر ۇلتتىق بانكىنىڭ لوگوتيپى ورنالاسقان. «ەستەلىك مونەتالار قازاقستان رەسپۋبليكاسىنىڭ بارلىق اۋماعىندا تولەمنىڭ بارلىق تۇرلەرى، سونداي-اق بانك ەسەپشوتىنا اۋدارۋ، اۋدارىم ءۇشىن ولاردىڭ كورسەتۋلى قۇنى بويىنشا قابىلداۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز الماستىرىلادى، مايدالانادى»، - دەپ ءتۇسىندىردى ۇ ب باسپا ءسوز قىزمەتىندە.
00:07, 01 جەلتوقسان 2016
تاۋەلسىزدىكتىڭ 25 جىلدىعى قۇرمەتىنە 1 -جەلتوقساندا بەس مىڭدىق مونەتالار اينالىمعا شىعادى
استانا. قازاقپارات - قازاقستان رەسپۋبليكاسىنىڭ ۇلتتىق بانكى 2016 -جىلدىڭ 1 -جەلتوقسانىندا قازاقستان تاۋەلسىزدىگىنىڭ 25 جىلدىعىنا ارنالعان ەستەلىك مونەتانى (كۇمىستەن نومينالى 5000 تەڭگە جانە نومينالى 500 تەڭگە) اينالىمعا شىعارادى.