قازاقستاندا 25 جىلدا 1 ميلليوننان استام وتباسى باسپانالى بولدى
«مەملەكەتتىڭ ازاماتتاردى تۇرعىن ۇيمەن قامتاماسىز ەتۋ جونىندەگى ساياساتى وڭ ناتيجە بەرىپ وتىر. 25 جىلعا جۋىق مەرزىمنىڭ ىشىندە 113,2 ميلليون شارشى مەتر تۇرعىن ءۇي سالىندى. بۇل 1 ميلليوننان استام وتباسىن تۇرعىن ۇيمەن قامتاماسىز ەتۋگە مۇمكىندىك بەردى. تۇرعىن ۇيمەن قامتاماسىز ەتۋ دەڭگەيى ءبىر ادامعا شاققاندا 14,2 شارشى مەتردەن 21 شارشى مەترگە دەيىن ءوستى. وسى سالاعا تارتىلعان ينۆەستيتسيا 1994 -جىلدان باستاپ 2015 -جىلعا دەيىن 14,5 ميلليارد تەڭگەدەن 739,9 ميلليارد تەڭگەگە دەيىن ءوستى»، - دەدى ول.
مينيستر العا تارتقان دەرەكتەرگە قاراعاندا، 2016 -جىلعى قاڭتار- تامىزدا بارلىق قارجىلاندىرۋ كوزدەرىنىڭ ەسەبىنەن تۇرعىن ءۇيدى ىسكە قوسۋ وتكەن جىلدىڭ وسىنداي كەزەڭىمەن سالىستىرعاندا 14 پايىزعا ءوستى. پايدالانۋعا بەرىلگەن كوپ پاتەرلى تۇرعىن ۇيلەردىڭ الاڭى 26,7 پايىزعا ارتتى. مەملەكەتتىڭ قاراجاتى ەسەبىنەن تۇرعىن ءۇي سالۋ قارقىنى دا ساقتالىپ، 507 مىڭ شارشى مەتر تۇرعىن ءۇي سالىندى.
«قابىلدانىپ جاتقان شارالاردىڭ ناتيجەسىندە ءوزىنىڭ تۇرعىن ءۇي جاعدايلارىن جاقسارتقىسى كەلەتىن ازاماتتاردىڭ سانى ءوستى. سونىمەن، 2014 -جىلمەن سالىستىرعاندا تۇرعىن ءۇي قۇرىلىس جيناق بانكى سالىمشىلارىنىڭ سانى 430 مىڭنان 709 مىڭعا دەيىن ءوستى»، - دەدى ق. بيشىمبايەۆ.