وزبەكستانعا 24 مىڭ ليتر بەنزيندى زاڭسىز اكەتپەك بولعان شەتەلدىك شەكارادا ۇستالدى
«قازىعۇرت» كەدەن بەكەتىنىڭ قىزمەتكەرلەرى 15-ماۋسىم كۇنى وزبەكستانعا باعىتتالعان «د ا ف» ماركالى اۆتوكولىك قۇرالىن توقتاتادى. وزبەكستان رەسپۋبليكاسى ازاماتىنىڭ باسقارۋىنداعى كولىكتە كەدەندىك دەكلاراتسيا بويىنشا جۇكتەلگەن «وكسيگەنات» تاۋارىنىڭ ءيىسى كۇدىك تۋعىزىپ، قاراپ- تەكسەرۋ جۇرگىزىلگەن. كەدەندىك تەكسەرۋ كەزىندە جالپى 24 دانا پلاستماس ىدىستارعا (ءارقايسىسى 1 مىڭ ليتردەن) قۇيىلعان، ءيىسى بەنزينگە ۇقسايتىن سۇيىقتىق انىقتالعان. سىنامالارى الىنىپ، كەدەندىك زەرتتەۋلەر ورتالىعىنا جولدانىپ، ناتيجەسىندە تاۋاردىڭ ا ي-92 ماركىلى بەنزين ەكەنى راستالادى.
سوت شەشىمىمەن زاڭ بۇزۋشى اكىمشىلىك جاۋاپكەرشىلىككە تارتىلىپ، وعان 103,5 مىڭ تەڭگە مولشەرىندە ايىپپۇل سالىندى جانە ۇستالعان تاۋار مەملەكەت پايداسىنا تاركىلەندى.
ايتا كەتەيىك، قازىرگى ۋاقىتتا بەنزين، ديزەل وتىنىن جانە جەكەلەگەن مۇناي ونىمدەرىن اۆتوكولىك قۇرالدارىمەن ەلىمىزدەن سىرتقا الىپ كەتۋگە تىيىم سالىنعان.