ەلوردادا 24- ماۋسىم كۇنى وتەتىن ماڭىزدى شارالار اڭداتپاسى
9.00 دە م. نارىكبايەۆ اتىنداعى ۋنيۆەرسيتەتتە Media Club Qazaqstan جابىق فورماتتاعى كەزدەسۋ وتەدى. سپيكەر: ق ر اقپارات جانە قوعامدىق دامۋ ءمينيسترى - دارحان قىدىرالى.
10.00 دە ل. ن. گۋميليەۆ اتىنداعى ە ۇ ۋ «University sports centre» سپورتتىق-ساۋىقتىرۋ كەشەنىندە «بولاشاق» حالىقارالىق ستيپەندياسىنىڭ 30 جىلدىعىنا وراي باعدارلاما تۇلەكتەرى اراسىندا V سپارتاكيادا وتەدى.
10.00 دە كونگرەسس ورتالىقتا قازاقستاندا العاش رەت قۇرىلىسشىلار قاۋىمىنا جانە كاسىپكەرلەرگە ارنالعان اۋقىمدى ءىس-شارالاردىڭ ءبىرى - «پرەودولەنيە» فورۋمى وتەدى. جيىنعا قازاقستاننىڭ تۇكپىر-تۇكپىرىنەن قۇرىلىسشىلار، ءىرى كاسىپكەرلەر جانە وزگە سالانىڭ بيزنەس وكىلدەرى قاتىسادى.
11.00 دەن 21.30 عا دەيىن ە. راحماديەۆ اتىنداعى فيلارمونيا الاڭىنان ەسىل وزەنىنىڭ جاعالاۋىنا دەيىن ءتۇرلى ءىس-شارالار وتەدى: «مۋزىكا بالالار كوزىمەن» بالالار سۋرەت بايقاۋى، «بورمەن سۋرەت سالۋ»، «ءمۇسىن»، «كومپوزيتسيا» اتتى ءۇش نوميناتسيادا ۇزدىك جۇمىستاردى تاڭداۋ جانە ماراپاتتاۋ؛ «سارىارقا» حالىق مۋزىكاسى ءانسامبلىنىڭ جانە ۇرلەمەلى وركەستردىڭ «مۋزىكالىق اسپاپتار الەمىنە ساياحات» اتتى جاس مۋزىكانتتارعا ارنالعان شەبەرلىك ساعاتتارى وتەدى.
12.30 دا ستۋدەنتتىك ساياباقتا «ۇرپاقتار ءۇنى» جوباسى اياسىندا كوشە جانە ۇلتتىق ويىندار بويىنشا تۋرنير وتەدى.
19.00 دە جاس كورەرمەندەردىڭ مۋزىكالىق تەاترىندا «گاۋھارتاس» مۋزىكالىق دراماسى قويىلادى.