الاياق تالدىقورعان ستۋدەنتتەرىن 24 ميلليون تەڭگەگە الداعان
تالدىقورعان قالاسىندا الاياقتىقتىڭ بىرنەشە فاكتىسى بويىنشا 41 جاستاعى ايەلگە قاتىستى سوت پروتسەسى باستالدى.
قىلمىستىق ءىس ماتەريالدارىندا جابىرلەنۋشى رەتىندە 16 ادام كورسەتىلگەن، ولاردىڭ نەگىزگى بولىگى 20-23 جاس ارالىعىنداعى جەرگىلىكتى جوعارى وقۋ ورىندارىنىڭ ستۋدەنتتەرى.
«تالدىقورعان قالالىق پوليتسياسىنىڭ قىزمەتكەرلەرى الاياقتىق جاسادى دەگەن كۇدىككە ىلىنگەن ايەلدى وتكەن جىلدىڭ سوڭىندا ۇستاعان. وعان قاتىستى «ەشقايدا كەتپەۋ» جانە «ءوزىن دۇرىس ۇستاۋ تۋرالى قولحات الۋ» بۇلتارتپاۋ شاراسى تاڭدالدى.
تەرگەۋ ماتەريالدارىنا سايكەس، دالەلدەنگەن دەرەك بويىنشا جابىرلەنۋشىلەرگە كەلتىرىلگەن زالال 24 ميلليون تەڭگەدەن استى.
اقشالاي نەمەسە تاۋارلىق نەسيەلەر ميكروكرەديتتىك ۇيىمدار مەن ەكىنشى دەڭگەيلى بانكتەر ارقىلى رەسىمدەلگەن»، - دەلىنگەن پوليتسيا مالىمەتىندە.
كۇدىكتىنىڭ ءىس- ارەكەتتەرى ق ر قىلمىستىق كودەكسىنىڭ 190-بابى 3-بولىگىنىڭ 4-تارماعى بويىنشا (الاياقتىق) سارالانىپ وتىر.
سوت ۇكىمى شىققان جوق. دەگەنمەن، كۇدىكتىنىڭ قۇرباندارى قىسقا مەرزىمدە دالەلدەر جيناپ، ءىستى فەميدا وكىلدەرىنىڭ قاراۋىنا جىبەرگەن قالالىق پوليتسيا تەرگەۋشىسىنە العىس ءبىلدىردى.
«وسى فاكتىگە قاتىستى قوعامنىڭ نارازىلىعىن ەسكەرە وتىرىپ، قىلمىستىق ءىستى تەرگەۋ وبلىستىق پوليتسيا مەن قاداعالاۋ ورگانىنىڭ ەرەكشە باقىلاۋىندا بولدى. ءىستى سوتقا جىبەرگەننەن كەيىن جابىرلەنۋشىلەر قوعام نارازىلىعىنا ىلىنگەن ءىستى تەرگەپ- تەكسەرۋدە وبەكتيۆتىلىك تانىتقانى ءۇشىن تەرگەۋشى ناديا نۇرالينوۆاعا العىسىن ءبىلدىردى» ، - دەدى تالدىقورعان قالاسى پ ب باستىعىنىڭ ورىنباسارى شىڭعىس نۇراحيموۆ.