استانالىق 24 جاستاعى بويجەتكەن «قازاقستان ارۋى» اتاندى
بيىل ەلىمىزدىڭ العاشقى سۇلۋى اتانۋ قۇقىعىنا 23 بويجەتكەن تالاستى.
ونىڭ ىشىنەن ءبىرىنشى كەزەڭدە 12، سودان كەيىن - ەڭ ۇزدىك بەس قاتىسۋشى ىرىكتەلدى، قازىلار القاسى سونىڭ ىشىنەن جەڭىمپاز بەن لاۋرەاتتاردى تاڭداپ الدى.
ولار الەمنىڭ ءتورت باستى سۇلۋلىق بايقاۋىنا قاتىسادى.
«قازاقستان ارۋى» اتاعىن جانە «الەم ارۋىنا» جولدامانى استانادان كەلگەن 24 جاستاعى توميريس كاكىموۆا جەڭىپ الدى. وعان سونداي- اق 5 ميلليون تەڭگەنىڭ سەرتيفيكاتى بەرىلدى.
توميريس ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن. كەيىن كوكشەتاۋ ۋنيۆەرسيتەتىندە قۇقىقتانۋ ماگيسترى دارەجەسىن الدى.
ەندى توميريس كاكىموۆا «الەم ارۋى» حالىقارالىق بايقاۋىندا ەل نامىسىن قورعايدى.
سونداي-اق «الەم ارۋى قازاقستان» ءتاجىن جانە «الەم ارۋىنا» جولدامانى 19 جاستاعى الماتىلىق ديانا تاشىمبايەۆا ەنشىلەدى.
«جەرشارى ارۋى قازاقستان» اتاعى مەن الەم كونكۋرسىنا جولداما 19 جاستاعى الماتىلىق ديلناز تيلايەۆاعا بۇيىردى.
19 جاستاعى توميريس زاير «قازاقستان ۆيتسە- ارۋى» اتاندى.
كورەرمەن كوزايىمى سىيلىعىنا سەمەي قالاسىنان كەلگەن 18 جاستاعى التىنيا عازيزوۆا يە بولدى.
سوڭعى كەزەڭ بىرنەشە جارىستان تۇردى. قاتىسۋشىلار ءارتۇرلى كيىم مەن سۋرەتتە جەكە جانە توپتىق دەفيلە كورسەتتى، سودان كەيىن سۇراقتارعا جاۋاپ بەردى.
قازىلار القاسىنىڭ قۇرامىندا پروديۋسەر جان مۇقانوۆ، اكتريسا ارۋجان جازىلبەكوۆا، بلوگەر جانە كوپبالالى انا دانا ەسەيەۆا، تەلەجۇرگىزۋشىلەر دينارا ءساتجان مەن ايداي يسايەۆا، سونداي-اق بەلگىلى ۋكرايندىق ءانشى سۆەتلانا لوبودا بولدى.
ايتا كەتەيىك، قازاقستان ارۋىنىڭ ءتاجى بيىل جاڭاردى - ول ارمەنيادا كۇمىستەن، پلاتينادان جانە 600 سيركوني تاسىنان جاسالعان.
«قازاقستان ارۋى» بايقاۋىنا قاتىسۋعا ەلىمىزدىڭ تۇكپىر- تۇكپىرىنەن 20 مىڭ ارۋ ءوتىنىم بەرگەن.