جەل، تۇمان، كوكتايعاق - قازگيدرومەتتىڭ 24-قازانعا ارنالعان اۋا رايى بولجامى

استانا. قازاقپارات - «قازگيدرومەت» سينوپتيكتەرى 24-قازان، دۇيسەنبىگە ارنالعان اۋا رايى بولجامىن جاريالادى، دەپ حابارلايدى قازاقپارات.

قازاقستان اۋماعىنىڭ باسىم بولىگىندە اۋا رايىنا باتىس انتيسيكلونى ىقپال ەتەدى.

سوندىقتان جاۋىن-شاشىنسىز اۋا رايى كۇتىلەدى.

ەلدىڭ باتىس، وڭتۇستىك جانە وڭتۇستىك-شىعىس ايماقتارىندا اتموسفەرالىق فرونتتار ءجۇرىپ وتەدى.

وسىعان بايلانىستى جاڭبىر جاۋادى، وڭتۇستىكتىڭ جانە وڭتۇستىك- شىعىستىڭ تاۋلى ايماقتارىندا جاڭبىر مەن قار تۇرىندە جاۋىن- شاشىن بولادى.

قازاقستان بويىنشا جەل كۇشەيىپ، تۇمان تۇسەدى، كوكتايعاق بولادى.