نۇر-سۇلتاندا بيىل 24 مىڭ وقۋشى ءبىرىنشى سىنىپقا بارادى
بۇل جايىندا نۇر-سۇلتان قالاسى ءبىلىم باسقارماسىنىڭ باسشىسى شاكارىم سەيسەنباي اكىمدىكتىڭ باسپا ءسوز ورتالىعىندا وتكەن بريفينگتە ايتتى.
وندا باسقارما باسشىسى بيىل بولجام بويىنشا وقۋشى سانى 205 مىڭعا وسەتىنىن اتاپ ءوتتى.
«ءبىرىنشى سىنىپقا 24 مىڭ وقۋشى قابىلدانادى. مەكتەپكە دەيىنگى ۇيىمدار كۇندىزگى رەجيمگە كوشەدى. سونداي-اق، 1- قىركۇيەكتە مەكتەپتەردە 1-سىنىپقا ارنالعان لينەيكالار سانيتارلىق نورمالاردى ساقتاي وتىرىپ وتكىزىلەدى»، - دەپ اتاپ ءوتتى باسقارما باسشىسى.
شاكارىم سەيسەنباي بۇگىنگى تاڭدا مۇعالىمدەر مەن اتا-انالار اراسىندا قاجەتتى ءتۇسىندىرۋ جۇمىسى جۇرگىزىلىپ جاتقانىن ايتتى.
وقۋشىلاردىڭ اتا-انالارى بارلىق سۇراقتار بويىنشا مەكتەپ اكىمشىلىگىنە نەمەسە تىكەلەي ءبىلىم باسقارماسىنا جۇگىنە الادى.
ايتا كەتەيىك، ەلوردادا 100 گە جۋىق ەگۋ پۋنكتى جۇمىس ىستەيدى. نۇر-سۇلتاندا ك ۆ ي- گە قارسى ۆاكسينانىڭ ءبىرىنشى كومپونەنتىن 400 مىڭعا جۋىق ادام الدى، 325 مىڭعا جۋىق ازامات تولىق يممۋنداۋدان ءوتتى. بۇگىنگى تاڭدا استانالىق ۇستازداردىڭ 99,7 پايىزى كوروناۆيرۋسقا قارسى ەكپە العان.