الماتى قالاسىنىڭ يۋۆەنالدى پوليتسيا قىزمەتكەرلەرى قالا كوشەلەرىندە اۆتوكولىكتەردىڭ شامىن ءسۇرتىپ، جۋۋمەن اينالىساتىن كامەلەتكە تولماعانداردى انىقتاۋ بويىنشا پروفيلاكتيكالىق جۇمىستار جۇرگىزۋدە.
«قابىلدانعان شارالار ناتيجەسىندە تامىز ايىنىڭ باسىنان بەرى 24 فاكت انىقتالدى. پوليتسيانىڭ نازارىنا ىلىككەن بالالاردىڭ ىشىندە 16 جاسقا تولعان ەكى ادام بار. دەمەك، ولار قۇقىق بۇزۋشىلىقتىڭ سۋبەكتىسى بولىپ تابىلادى جانە ءوز ارەكەتتەرى ءۇشىن تولىق جاۋاپ بەرە الادى. قازىر ولارعا قاتىستى اكىمشىلىك حاتتامالار تولتىرىلدى. ال قالعان بالالاردىڭ اتا-انالارىمەن بولاشاقتا وسىنداي جايتتەردى بولدىرماۋ تۋرالى پروفيلاكتيكالىق اڭگىمەلەر وتكىزىلدى. ەگەر الداعى ۋاقىتتا قايتالاناتىن بولسا، ولار اتا-انالىق مىندەتتەرىن تيىسىنشە ورىنداماعانى ءۇشىن ا ق ب ت ك- نىڭ 127-بابى بويىنشا اكىمشىلىك جاۋاپكەرشىلىككە تارتىلادى»، - دەدى الماتى قالالىق پ د جەرگىلىكتى پوليتسيا ءبولىمىنىڭ باستىعى ماناپ ساتتاروۆ.
ءتارتىپ ساقشىلارى اتا-انالار مەن كولىك يەلەرىن بالالاردىڭ جولدا كولىك جۋۋىنا جول بەرمەۋگە شاقىردى.
اۆتور: الما مۇقانوۆا