ول ۇلتتىق تاۋار وتكىزۋ جەلىسىن سونداي- اق كوتەرمە- تاراتۋ ورتالىقتارى كەشەنىن قۇرۋ ارقىلى ىسكە اسادى. وسى ارقىلى باعانى باقىلاۋ اناعۇرلىم جەڭىلدەيدى. بۇل تۋرالى ۇكىمەتتىڭ سەلەكتورلىق وتىرىسىندا ايتىلدى. جيىندا كەڭجولاقتى ينتەرنەتكە قول جەتكىزەتىن اۋىلدار قاتارىنىڭ ارتاتىندىعى دا بەلگىلى بولدى. اگرارلى ەل رەتىندە جىل سايىن ءوزىمىزدى ارتىعىمەن قامتاماسىز ەتەتىندەي كولەمدە ءونىم الامىز. ءبىراق ونى ساقتاۋعا كەلگەندە اقسايتىن تۇستارىمىز بارشىلىق. مامانداردىڭ ايتۋىنشا، بىزدە قازىر جەمىس- كوكونىس قويمالارىنىڭ تاپشىلىعى - % 70.
ساپارحان وماروۆ، ق ر اۋىل شارۋاشىلىعى ءمينيسترى:
- جەكەلەگەن وڭىرلەردە جەمىس- كوكەنىس، تاماق ساقتايتىن قويما ينفراقۇرىلىمى جەتكىلىكتى دامىماعان. اكىمدىكتەردىڭ الدىن الا دەرەكتەرى بويىنشا رەسپۋبليكادا جالپى سىيىمدىلىعى 1 ميلليون 908 مىڭ توننا بولاتىن 1249 بولاتىن جەمىس- كوكونىس جانە كارتوپ ساقتاۋ ورنى بار. بۇل وندىرىلگەن ءونىمدى ساقتاۋ ءۇشىن جەتكىلىكسىز. ماسەلەنى شەشۋ ءۇشىن بيىل پاۆلودار، الماتى جانە تۇركىستان وبلىستارىندا 5 كوتەرمە- تاراتۋ ورتالىعى ىسكە قوسىلادى. وسىعان ۇقساس جۇيەلەر فرانتسيا، يسپانيا سياقتى ەلدەردە ءساتتى جۇمىس ىستەپ تۇر. مۇنداي ءادىس ونىمدىلىكتى ارتتىرا وتىرىپ، العاشقى كەزەڭنىڭ وزىندە باعانى %25 دەيىن تومەندەتۋگە مۇكىندىك بەرەدى دەپ بولجانۋدا. بۇل ورايدا اكىمدىكتەرگە قاجەتتى جەر ۋچاسكەلەرىن ءبولۋ جانە ينفراقۇرىلىمدى جەتكىزۋ تاپسىرىلدى.
اسقار مامين، ق ر پرەمەر- ءمينيسترى:
- ازىق- تۇلىك ساقتاۋ، ساتۋ جانە تاراتۋدىڭ جاڭا تەحنولوگياسى جاسالادى. ۇلتتىق تاۋار وتكىزۋ جۇيەسىن قۇرۋ جوباسى 2022 -جىلعا دەيىن ءۇش كەزەڭدە ىسكە اسىرىلادى جانە 24 تەن اسا كوتەرمە تاراتۋ ورتالىعى سالىنادى. بۇل شامامەن 4,8 ميلليون توننا اگروونىمدى ساقتاۋعا، وڭدەۋ مەن تاراتۋعا مۇمكىندىك بەرەدى. ۇكىمەت وتىرىسىندا سونداي- اق كەڭجولاقتى ينتەرنەتكە قولجەتىمدىلىك ماسەلەسى دە قارالدى. بۇل باعىتتاعى اتقارىلىپ جاتقان جۇمىستار تۋرالى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعالييەۆ بايانداما جاسادى.
اسقار جۇماعاليەۆ، سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى:
- حالىق ءۇشىن ۇيدەگى كومپيۋتەر نەمەسە سمارتفون ارقىلى ينتەرنەتكە نەگىزىنەن 3G-4G بايلانىسى ارقىلى قوسىلعان ىڭعايلى. وسىعان بايلانىستى تۇرعىندار سانى 250 جانە ودان جوعارى بولىپ كەلەتىن اۋىلداردا ساپالى ينتەرنەتپەن قامتاماسىز ەتۋ ماقساتىندا بايلانىس وپەراتورلارىمەن جوسپار كەستەنى بەكىتتىك. جوسپارعا ساي، بيىل 1250 اۋىل ينتەرنەتكە قوسىلادى. وسىلايشا، عالامتورى بار ەلدى مەكەن قاتارى 5 مىڭنان اسادى. ولاردا 7,6 ميلليون تۇرعىن بار.
www.24.kz