سەۋلدىڭ ورتالىق ايماقتىق سوتى 66 جاستاعى پاك كىن حەنى جەمقورلىق، قىزمەتتىك وكىلەتتىگىن اسىرا پايدالاندى جانە مەملەكەتتىك قۇپيانى جاريالاعانى ءۇشىن كىنالى دەپ تانىدى.
پروكۋراتۋرا بۇرىنعى وڭتۇستىك كورەيا باسشىسىن 30 جىلعا بوستاندىعىنان شەگەرۋ جانە 118,5 ميلليارد ۆون كولەمىندە ايىپپۇل تولەتۋدى سۇراعان. ول 2017 -جىلى ناۋرىز ايىنىڭ سوڭىندا تۇتقىندالىپ، 18 تارماق بويىنشا ايىپپۇل تاعىلعان ەدى.
تەرگەۋ بارىسىندا انىقتالعانداي، پاك ءوزىنىڭ قۇربىسى چحۆە سۋن سيلمەن كەلىسىپ، Samsung, Lotte جانە SK سياقتى ءىرى كومپانيالاردان اقشا بوپسالاعان.
«سوتتالۋشى پرەزيدەنت وكىلەتتىگىن اسىرا پايدالانىپ، قوعامدىق ءتارتىپ پەن مەملەكەت باسقارۋدا نۇقسان كەلتىرگەن»، - دەپ مالىمدەدى سۋديا كيم سە- يۋن ەكىنشى پروتسەسس كەزىندە.
2013 -جىلدىڭ باسىندا وڭتۇستىك كورەيا تاريحىنداعى العاشقى پرەزيدەنت- ايەل بولىپ سايلانعان ول جەمقورلىق ءۇشىن ايىپتى بولىپ تانىلعان ءۇشىنشى كوشباسشى بولدى.