كومپيۋتەردە 24 ساعات ويناعان ادام كوز جۇمدى
13:41, 25 - اقپان 2017
استانا. قازاقپارات - وتكەن جەكسەنبىدە PoShYbRiD لاقاپ اتىمەن World of Tanks ويىنىن ويناعان امەريكالىق گەيمەر برايان ۆينو جانسىز كۇيىندە تابىلدى. ول ءوزى ۇيىمداستىرعان 24 ساعاتتىق قايىرىمدىلىق ويىن- مارافونى كەزىندە كوز جۇمعان.
ستريمنىڭ اياقتالۋىنا ەكى ساعات قالعاندا گەيمەر شىلىم شەگۋ ءۇشىن بولمەدەن شىققان جانە قايتىپ ورالماعان.
امەريكالىقتىڭ ۇيىنە پوليتسيا ءبىر ساعات وتكەن سوڭ عانا شاقىرىلعان، دەپ حابارلادى Polygon.
قازىرگى ۋاقىتتا جەرگىلىكتى پوليتسيا 34 جاستاعى گەيمەردىڭ ءولىمىن تەكسەرۋدە. ۆينونىڭ مۇنداي قايىرىمدىلىق شارالارىن تۇراقتى تۇردە وتكىزىپ تۇرعانى جانە تۇسكەن قارجىنى ءتۇرلى قايىرىمدىلىق ۇيىمدارىنا بەرگەنى بەلگىلى بولدى.
The Sun باسىلىمىنىڭ جازۋىنشا، كومپيۋتەر الدىنان كەتكەن سوڭ ورالماعان ۆينونى كورەرمەندەر ۇيىقتاپ قالدى دەپ ويلاعان. كەيىنىرەك ول تاعى دا ونلاينعا شىقتى - الايدا، بۇل جايسىز حاباردى ءمالىم ەتكەن پوليتسيا قىزمەتكەرى ەدى.