باتىس ەۋروپا - باتىس قىتاي ءدالىزى 24 ميلليارد دوللاردىڭ جۇگىن تاسۋعا دايىن
بۇل تۋرالى كەشە قازاقستان مەن رەسەيدىڭ 13- ءوڭىرارالىق ىنتىماقتاستىق فورۋمىندا ەلباسى نۇرسۇلتان نازاربايەۆ ايتتى،
دەپ حابارلايدى قازاقپارات.
«ءبىزدىڭ اۆتوموبيلمەن جۇك تاسىمالداۋداعى الەۋەتىمىز دە جوعارى. «باتىس ەۋروپا - باتىس قىتاي» اۆتوجولىنىڭ قازاقستاندىق بولىگىنىڭ قۇرىلىسىن اياقتادىق دەسەك تە بولادى. بۇل ۇزىندىعى 2700 شاقىرىمدى قۇرايتىن ناعىز اۆتوبان. ونىڭ قۇرىلىسى اقتوبە وبلىسىنىڭ اۋدانىندا رەسەيلىك شەكاراعا تاياپ قالدى. اتالعان جولدا رەسەي تارابىنان جۇمىستاردىڭ جەدەلدەتىلۋى بۇكىل ءدالىز بويىمەن جۇك تاسىمالداۋدى ايتارلىقتاي ۇلعايتۋعا مۇمكىندىك بەرەدى دەپ ويلايمىن. قىتاي جۇمىستىڭ وزىنە قاراستى تىنىق مۇحيتىنا دەيىنگى بولىگىن اياقتادى»، - دەدى ەلباسى.
ق ر پرەزيدەنتى ەلىمىزدىڭ مۇنان وزگە دە ءبىرقاتار ءىرى ينفراقۇرىلىمدىق جوبانى ىسكە اسىرعانىن اتاپ ءوتتى.
«ناتيجەسىندە حالىقارالىق دالىزدەردىڭ كونفيگۋراتسياسى وڭتايلاندىرىلدى. سان ءتۇرلى باعدارلار مەن ولاردى ءوزارا تولىقتىراتىن جەلىلەر قۇرىلدى. بۇل تەڭىز باعدارى حالىقارالىق ترانزيتتىك قۇرلىققا اۋىسۋىنا تۇرتكى بولۋى ءتيىس. بۇگىن ماعان بۇل جولدىڭ سەنىم تۋدىراتىندىعىن جانە ول ارقىلى 24 ميلليارد دوللاردىڭ جۇگىن تاسۋعا دايىن ەكەندىگىن ايتتى. بۇل ورايدا بىزدەردىڭ كۇش- جىگەرىمىزدى بىرىكتىرىپ، اتالعان باعىتتاعى جۇمىستاردى سايكەستەندىرۋ ماڭىزدى بولماق»، - دەدى نازاربايەۆ.
اۆتور: مارلان جيەمباي