«تۇكيا حالقى - اقكوڭىل، ەڭبەكقور ءارى دارىندى حالىق. ءبىزدىڭ تۇركيادا ەسكى، سەنىمدى دوستارىمىز كوپ. سيرياداعى ءبىزدىڭ اسكەريلەردىڭ قازاسىنا تىكەلەي جاۋاپتى باسشىلىعىمەن ولاردى تەڭ كورمەيتىنىمىزدى ءبىلۋى ءتيىس»، - دەگەن رەسەي پرەزيدەنتىنىڭ ءسوزىن ر ي ا نوۆوستي جاريالادى.
پۋتين تۇركيا بيلىگى سۋ-24 ءتى نە ءۇشىن قۇلاتقانىن تۇسىنبەيتىنىن جەتكىزدى دەپ حابارلايدى LifeNews.
«اللا تۇركيا باسشىلىعىن ەسىنەن ايىرۋ ارقىلى جازالاۋدى شەشكەن سياقتى»، - دەيدى پۋتين ۇشاقتى قۇلاتۋ ماسەلەسىن ءسوز ەتىپ.
«تۇركيا بيلىگىنىڭ ساتقىندىعىن رەسەي ەش ۋاقىتتا ۇمىتپايدى. ءبىراق ولار ءبىزدىڭ ىزاعا بۋلىققانىمىزدى كورمەيتىن بولادى. رەسەي تۇركيانىڭ سۋ-24 كە شابۋىلداعانىنا جاۋاپ رەتىندە قارۋىن جارقىلداتپايدى. تۇركيانىڭ باسشىلىعى بۇل ىستەرى ءۇشىن ءالى-اق وكىنەتىن بولادى»، - دەيدى ول.
ول بۇل جايتتى اسكەري زۇلىم قىلمىس دەپ باعالاپ وتىر.
«اسكەري زۇلىم قىلمىس جاساپ، ءبىزدىڭ ادامداردى ولتىرگەندەرى ءۇشىن قىزاناقپەن نەمەسە وزگە سالالارداعى شەكتەۋلەرمەن قۇتىلىپ كەتەمىز دەپ ويلاسا، قاتتى قاتەلەسكەندەرى»، - دەپ ويىن ءتۇيدى پۋتين.