ونداعى مالىمەتكە سۇيەنسەك، سارسەنبى كۇنى تاعى ءبىر جاپا شەگۋشى كوز جۇمعان.
«اپاتتان جاپا شەككەن تاعى ءبىر ايەل 67№ قالالىق كلينيكالىق اۋرۋحانادا قايتىس بولدى. وسىمەن اپات قۇرباندارىنىڭ سانى 24 كە جەتتى»، - دەلىنگەن ماسكەۋدىڭ دەنساۋلىق ساقتاۋ دەپارتامەنتىنىڭ حابارلاماسىندا.
ەستەرىڭىزگە سالا كەتەيىك، 15- شىلدە كۇنى تاڭەرتەڭ ماسكەۋلىك مەترونىڭ ارباتسكو- پوكروۆسكي جەلىسىندە پويىز رەلستەن شىعىپ كەتكەن ەدى. اپات سالدارىنان سول كۇنى 19 ادام قازا تاۋىپ، زارداپ شەككەن 161 ادامنىڭ 118 ءى اۋرۋحاناعا جەتكىزىلگەن. زارداپ شەككەندەر ماسكەۋدەگى سكليفوسوۆسكي اتىنداعى ع ز ي-گە، 71№، 36№، 67№ ق ك ا، بوتكين قالالىق كلينيكالىق اۋرۋحاناسىنا، 1- قالالىق اۋرۋحاناعا جاتقىزىلعان ەدى.