قىتايلىق ازامات ينتەرنەتتە سويلەسۋ ءۇشىن 244 ەسىم ويلاپ تاپقان
بۇل تۋرالى Life.ru South China Morning Post-قا سىلتەمە جاساپ حابارلادى. شىن ەسىمىن انىقتاۋ مۇمكىن بولماعان ەر ادام Zhihu سايتىنىڭ قولدانۋشىلارىن جاڭىلىستىرىپ، وزىنە ءار جولى جاڭا ءومىربايان ويلاپ تاۋىپ وتىرعان.
مىسالعا، تىيىم سالىنعان زاتتارعا تاۋەلدىلىك تاقىرىبىن تالقىلاۋ كەزىندە ول، سەگىز جىل بويى ەم-دوم قابىلداعان ناشاقور بولعانىنا سەندىرگەن. وزگە تاقىرىپتا ەر ادام جولى بولماعان كاسىپكەر رەتىندە سويلەسكەن.
بۇدان بولەك، قۇپيا ادام ءوزىن پوليتسەي، بالىقشى، ۇشقىش، شاڭعىشى، جۇرگىزۋشى، اۋىل باسشىسى، كولىك ساتۋشىسى، كوللەدج رەكتورى، سونداي-اق شارۋا يەسى بولىپ تانىستىرعان.
قازىرگى ۋاقىتتا Zhihu اكىمشىلىگى «قولدانۋشىلاردى جاڭىلىستىرعانى ءۇشىن» ونىڭ اككاۋنتتارىن بۇعاتتادى. بۇل رەتتە، 244 تۇلعاسى بار ەر ادامنىڭ فاناتتار توبى قۇرىلىپ ۇلگەردى، ولار ونى قىتايدىڭ ەڭ قىزىقتى ادامى دەپ اتاۋدا. جانكۇيەرلەر ينتەرنەتتە ونىڭ ءىزىن ىزدەستىرىپ، بايلانىسقا شىعۋعا تىرىسۋدا.