پەتروپاۆلدىق ەر ادام پاتەرىندە 23 جىل بويى قايىق جاساعان - ۆيدەو

استانا. قازاقپارات – پەتروپاۆل تۇرعىنى ارمانىن جۇزەگە اسىرۋ ءۇشىن پاتەرىن قايىق جاسايتىن ورىنعا اينالدىرعان. قۇرىلىسىن 2000 -جىلى باستاعان.

بۇل تۋرالى Skopetro Instagram-ارناسى جازدى.

قايىقتى بالكون ارقىلى كرانمەن تومەن تۇسىرگەن. ءمالىم بولعانداي ەۆگەني وستاشكو قايىعىن 23 جىل بويى جاساپ، جۋىردا عانا اياقتاعان.

شەبەردىڭ سوزىنشە، قايىقتىڭ قۇرىلىسى باستاپقىدا تەك قىزىعۋشىلىقتان باستالىپ، كەيىن ومىرىندەگى ەڭ ماڭىزدى ىستەردىڭ بىرىنە اينالعان.

«گاراجدا دا جۇمىس ىستەۋگە بولاتىن ەدى، ءبىراق وندا كولىك تۇرادى. سونداي-اق قىس مەزگىلىندە سۋىق بولادى جانە ىڭعايسىز. سوندىقتان پاتەردە جاسايمىن دەپ شەشتىم. ۇزاق ۋاقىتتان كەيىن پاتەرىم كەڭەيىپ قالدى.

قايىقتى پاتەردەن شىعارۋ ءۇشىن كەي بولىكتەرىن بۇزۋعا تۋرا كەلدى. ەندى سۋعا تۇسىرمەي تۇرىپ قايتا جاساۋ كەرەك»، - دەدى ول.

ەۆگەني 23 جىلدىق ەڭبەگىن «سلاۆيا 2000» دەپ اتاعان.