وڭتۇستىك كورەيادا اپتاپ ىستىقتان قازا تاپقاندار سانى 23 كە جەتتى
بيلىك وكىلدەرىنىڭ مالىمدەۋىنشە، بۇل بىلتىرعى جىلمەن سالىستىرعاندا ءۇش ەسە كوپ، دەپ حابارلايدى قازاقپارات وڭتۇستىك كورەيانىڭ رەنحاپ اگەنتتىگىنە سىلتەمە جاساپ.
ءورت سوندىرۋشىلەردىڭ سوزىنشە، 20-مامىردان شىلدەنىڭ سوڭىنا دەيىن ىستىققا بايلانىستى اۋرۋلاردان 21 ادام قايتىس بولسا، سەيسەنبى كۇنى تاعى ەكى ادامنىڭ ءولىمى تىركەلدى.
قازا تاپقاندار سانى بىلتىرعى جىلمەن سالىستىرعاندا ءۇش ەسە كوپ.
سەۋلدەن وڭتۇستىك- شىعىسقا قاراي 243 شاقىرىم جەردەگى يونچحوندا 70 جاستاعى فەرمەر كۇن استىندا جۇمىس ىستەپ، ەستەن تانىپ قايتىس بولدى. تاعى ءبىر 80 جاستاعى فەرمەر سەۋلدەن 217 شاقىرىم جەردەگى چونىپتە دالادا جۇمىس ىستەپ ءجۇرىپ، دەنە قىزۋى كوتەرىلگەن. ونى اۋرۋحاناعا جەتكىزگەنىمەن، امان الىپ قالا المادى.
وڭتۇستىك كورەيانىڭ وڭتۇستىك- باتىس جاعالاۋىنداعى قالپىنا كەلتىرىلگەن سەمانگىم ايماعىندا ءوتىپ جاتقان سكاۋتتاردىڭ 25-دۇنيەجۇزىلىك سلەتىندە اپتاپ ىستىققا بايلانىستى 400 ادامنىڭ سىرقاتتانعانى ايتىلدى. قازىرگى ۋاقىتتا دۇنيەجۇزىلىك ءىس-شاراعا 158 ەلدىڭ 43000 عا جۋىق جاس سكاۋتى قاتىسىپ جاتىر.
جاقىندا ۇكىمەت ءتورت جىل ىشىندە العاش رەت ىستىق تۋرالى ەسكەرتۋ دارەجەسىن ءتورت كەزەڭدى جۇيەنىڭ ەڭ جوعارعىسىنا دەيىن كوتەردى.
مۇنداي قاۋىپ دەڭگەيى كۇندىزگى تەمپەراتۋرا ەلدىڭ كوپ بولىگىندە 35 گرادۋس جانە ودان دا جوعارى بولعاندا ەنگىزىلەدى. ال كورەيادا ءۇش كۇننەن بەرى اۋا تەمپەراتۋراسى 38 گرادۋستان تۇسپەي تۇر.