ۇلتتىق ۇلان اكادەمياسىن جاس وفيتسەرلەردىڭ 23- لەگى اياقتادى
بيىل وقۋ ورنىن 186 تۇلەك ءبىتىردى. ونىڭ ىشىندە سەگىز جاس لەيتەنانت ۇزدىك ناتيجەمەن اياقتادى. قازاقستاندىق تۇلەكتەرمەن بىرگە تاجىكستان رەسپۋبليكاسىنىڭ ون وكىلى ديپلوم الدى.
ايتا كەتەيىك، جوعارى وقۋ ورنىن ۇزدىك بىتىرگەن ءتورت تۇلەك مەملەكەتتىك رامىزدەر كۇنى لەيتەنانتتىق پوگونداردى مەرزىمىنەن بۇرىن العان بولاتىن. ىشكى ىستەر ءمينيسترى مەن ءوڭىر اكىمىنىڭ قولىنان كوپتەن كۇتكەن ەرەكشە ۇلگىدەگى ديپلومداردى ءبىرىنشى بولىپ وقۋ ورنىن ۇزدىك بىتىرگەن تۇلەكتەر الدى.
قۇقىق قورعاۋ ۆەدومستۆوسىنىڭ باسشىسى تۇلەكتەردىڭ اكادەميا قابىرعاسىندا العان تەرەڭ تەوريالىق ءبىلىمى، مۇقيات كاسىبي دايىندىعى جانە مورالدىق- پسيحولوگيالىق شىنىعۋى ولاردىڭ ودان ءارى دامۋىنا بەرىك نەگىز بولاتىنىنا سەنىم ءبىلدىردى.
«وتاندىق اسكەري اكادەميالار مەن ينستيتۋتتار حالىقارالىق ستاندارتتارعا ساي بولۋى ءۇشىن مەملەكەت باسشىسى III بۇكىل ارميالىق كەڭەستە ءبىرقاتار مىندەتتەر قويعان بولاتىن. سوندىقتان اكادەميانىڭ الەمدىك ستاندارتتارعا تولىق سايكەس كەلۋى ءۇشىن كوپ نارسە ىستەۋ كەرەك.
وسى رەتتە مەملەكەتتىڭ قامقورلىعىنىڭ ارقاسىندا ءبىلىم ورداسى اۋماعىندا زاماناۋي وقۋ كورپۋسىنىڭ، كازارمانىڭ جانە سپورت كەشەنىنىڭ قۇرىلىسى، سونداي- اق عيماراتتارعا كۇردەلى جوندەۋ جۇمىستارى جۇرگىزىلىپ جاتىر. سونىمەن قاتار الماتى، شىمكەنت جانە وسكەمەن قالالارىنداعى وقۋ ورتالىقتارىنىڭ بازاسىندا اكادەميانىڭ فيليالدارى قۇرىلدى، - دەدى مارات احمەتجانوۆ.
سولتۇستىك قازاقستان وبلىسى باسشىلىعىنىڭ اتىنان تۇلەكتەردى وقۋ ورنىن ءساتتى اياقتاۋىمەن وبلىس اكىمى ايداربەك ساپاروۆ تا قۇتتىقتادى.
«اعا بۋىننىڭ باتىلدىعى مەن ەرلىگىنەن ۇلگى الۋ - سىزدەردىڭ مىندەتتەرىڭىز. ول ءۇشىن ناعىز كوماندير جانە تالىمگەر بولۋ كەرەك. پرينتسيپ پەن تاباندىلىققا سۇيەنىپ قىزمەت ەتىڭىزدەر. كەز كەلگەن سىن- تەگەۋرىندەرگە قارسى تۇرىپ، ۇلتتىق مۇددەلەرىمىزدى قورعاۋلارىڭىز قاجەت، - دەدى ول.
تاجىكستان رەسپۋبليكاسى ءى ءى م ىشكى اسكەرلەرىنىڭ قولباسشىسى سۋحروب ورزۋ راۋفزودا ق ر ءى ءى م جانە ۇلتتىق ۇلان باسشىلىعىنا جىلى قابىلداۋى ءۇشىن جانە ەلىمىزگە جۇمىس ساپارىمەن كەلۋگە مۇمكىندىك جاساعانىنا ەرەكشە ريزاشىلىعىن ءبىلدىردى.
«جىلدان-جىلعا ءبىزدىڭ رەسپۋبليكالار اراسىنداعى اسكەري ىنتىماقتاستىق ديپلوماتيالىق بايلانىستاردىڭ ماڭىزدى سالالارىنىڭ ءبىرى رەتىندە دامىپ كەلەدى. مەملەكەتارالىق كەلىسىمدەرگە سايكەس ءبىزدىڭ كۋرسانتتار ق ر ۇلتتىق ۇلانى اكادەمياسىندا وقيدى جانە 10 جىلدان بەرى جىل سايىن تاجىكستان رەسپۋبليكاسى ىشكى اسكەرلەرىنىڭ قاتارىن تولىقتىرادى. بۇگىندە ق ر ۇلتتىق ۇلانىنىڭ وقۋ ورنىن بىتىرگەن جوعارى بىلىكتى 89 وفيتسەر تاجىكستان رەسپۋبليكاسى ىشكى اسكەرلەرىنىڭ بولىمشەلەرىندە ابىرويمەن قىزمەت ەتىپ ءجۇر، - دەدى سۋحروب ورزۋ راۋفزودا.
تۇلەكتەردىڭ اتىنان لەيتەنانت اۋلەت سەمبەك ءسوز سويلەدى. ول اكادەميانىڭ قولباسشىلىعى مەن پروفەسسور- وقىتۋشىلار قۇرامىنا بەرگەن ءبىلىمى ءۇشىن العىسىن جەتكىزىپ، وفيتسەردىڭ ار- نامىسىن جوعالتپايتىنىنا جانە كومانديرلەردىڭ ءۇمىتىن اقتايتىنىنا سەندىردى. سودان كەيىن ارميا ءداستۇرى بويىنشا وقۋ ورنىنىڭ جاۋىنگەرلىك تۋىمەن قوشتاسۋ ءراسىمى ءوتتى.
بيىل اكادەميانىڭ جاۋىنگەرلىك تۋىمەن قوشتاسۋدىڭ قۇرمەتتى قۇقىعىنا بارلىق تۇلەك اتىنان وقۋ ورنىن ۇزدىك بىتىرگەن لەيتەنانت سانجار شىمكەنتباي يە بولدى. سالتاناتتى ءراسىم ۇلتتىق ۇلان مەن اكادەميانىڭ جيىنتىق وركەسترى دايىنداعان كونسەرتتىك باعدارلامامەن، ەلوردالىق بريگادانىڭ قۇرمەتتى قاراۋىل روتاسى اسكەري قىزمەتشىلەرىنىڭ دەفيلەسىن كورسەتۋمەن جالعاستى.
26 جىل ىشىندە وقۋ ورنى ءتورت مىڭ جاس وفيتسەردى دايىنداعان. ولار ۇلتتىق ۇلان وفيتسەرلەر قۇرامىنىڭ قاتارىن تولىقتىردى. ونىڭ ىشىندە 400-دەن استام تۇلەك قارۋلى كۇشتەرگە، ۇ ق ك شەكارا قىزمەتىنە، مەملەكەتتىك كۇزەت قىزمەتىنە، توتەنشە جاعدايلار مينيسترلىگىنە جانە ءى ءى م ارناۋلى بولىمشەلەرىنە ودان ءارى اسكەري قىزمەت ەتۋگە جىبەرىلدى. كوپتەگەن تۇلەك قۇرامالار مەن اسكەري بولىمدەردى باسقارادى.
ال ولاردىڭ كەيبىرەۋلەرى باس قولباسشىلىقتا جانە اسكەردىڭ وڭىرلىك قولباسشىلىقتارىنىڭ شتابتارىندا باسشىلىق لاۋازىمداردا قىزمەت ەتەدى.