بيىل رامازان ايى 23- ناۋرىزدا باستالادى
20:58, 10 - قاڭتار 2023
استانا. قازاقپارات - بيىل رامازان ايىنىڭ ءبىرىنشى كۇنى 23- ناۋرىزعا تۋرا كەلەدى، دەپ حابارلايدى قازاقپارات ءتىلشىسى.
قازاقستان مۇسىلماندارى ءدىني باسقارماسى بەكىتكەن 2023-جىلعى كەستەگە قاراعاندا، ورازانىڭ باستالۋى 23- ناۋرىزعا كەلىپ تۇر. قاسيەتتى قادىر ءتۇنى – 17- ساۋىردەن 18- ساۋىرگە قاراعان ءتۇن. ال 21- ءساۋىر - ورازا ايتتىڭ ءبىرىنشى كۇنى.
«حيجري ايلارىنىڭ باستالۋى حالىقارالىق استرونوميالىق زەرتتەۋ ورتالىقتارىنىڭ مالىمەتتەرى نەگىزىندە جاسالدى. ءپاتۋا ماماندارى ءدىني مەرەكەلەردىڭ ناقتى كۇندەرى جاڭا ايدىڭ كورىنۋىنە بايلانىستى كورسەتىلگەن ۋاقىتتان ءبىر كۇن شەگەرىلۋى نەمەسە العا جىلجۋى مۇمكىن ەكەنىن ەسكەرتەدى»، - دەلىنگەن ق م د ب سايتىندا.
قۇربان ايتتىڭ ءبىرىنشى كۇنى 28- ماۋسىمعا ءتۇسىپ تۇر.
ايتا كەتەيىك، ءۇش كۇندىك مەرەكەنىڭ العاشقى كۇنى ەلىمىزدە دەمالىس سانالادى.