نەگىزگى بايقاۋعا الەمنىڭ تۇكپىر- تۇكپىرىنەن 23 كارتينا قاتىسىپ جاتىر. ونىڭ 13 ءى ەۋروپادا شىققان.
يتاليا، فرانسيا جانە ۇلى بريتانيا ۇسىنعان تاڭدامالى فيلمدەر لەگى فرانسۋز رەجيسسەرى فلوريان زەللەردىڭ «ۇل» دراماسىمەن باستالدى.
بۇل فيلم اتا- اناسىنىڭ اجىراسۋىنا بايلانىستى دەپرەسسيامەن كۇرەسىپ جۇرگەن 17 جاسار بالا مەن اكەسى اراسىنداعى قارىم- قاتىناس جايىندا باياندايدى.
سونداي- اق، نەگىزگى باعدارلاماعا «مونيكا» فيلمى كىردى.
بۇل - رەجيسسەر اندرەا پاللاورونىڭ توسەك تارتقان اناسىنا كۇتىم جاساۋ ءۇشىن ۇيىنە ورالعان ترانسگەندەر ايەل تۋرالى تۇسىرگەن امەريكالىق- يتالياندىق دراما.
باستى رولدە - اكتەر ترەيس ليسەتتا.
«Netflix» ستريمينگ پلاتفورماسى شىعارعان فيلمدەر دە «التىن ارىستانعا» ۇمىتكەر. بيىل «Netflix» ۆەنەتسيالىق كينوبايقاۋدا ءتورت ءفيلمىن ۇسىندى.