وزبەكستاندا 23 مىڭ قىز-كەلىنشەك مەملەكەت ەسەبىنەن ءبىلىم الادى

نۇر-سۇلتان. قازاقپارات - وقۋ اقىسى بيۋدجەت تولەيدى. ەل پرەزيدەنتىنىڭ تاپسىرماسى بويىنشا ولاردى جوعارعى وقۋ ورىندارىنا كەلىسىمشارت بويىنشا قابىلداپ، ەكونوميكالىق ماڭىزدى سالالارداعى قىز-كەلىنشەكتەر سانىن كوبەيتۋ كوزدەلىپ وتىر.

سونىمەن قاتار، ديزاينەر، تىگىنشى، ايتي-ماماندار وقىتىلادى. بۇدان بولەك، دوكتورانتۋرادا ءبىلىم الام دەگەندەرگە 300 ماقساتتى كۆوتا بولىنەدى. وزبەكستاندىق بويجەتكەندەر شەتەلگە دە بارا الادى. ياعني، ەندى جىل سايىن 50 تالاپكەر قالاعان ۋنيۆەرسيتەتىنە ءتۇسىپ، ماماندىق مەڭگەرىپ قايتادى.

دينارا تورايەۆا، ت م ۋ بىرلەسكەن ءبىلىم بەرۋ باعدارلامالارى ۇيلەستىرۋشىسىنىڭ ورىنباسارى:

- الەۋمەتتىك از قامتىلعان وتباسىدان شىققان نەمەسە جەتىم قالعان 2100 قىز بالا كەلىسىمشارت بويىنشا ءبىلىم الادى. مەملەكەت اقىسىن تولەپ تۇرادى. كەيىن 7 جىل كولەمىندە قارجىنى ۇستەماقىسىز قايتارادى. ولار عىلىم مەن ەكونوميكا سالالارىندا جاڭا ماماندىقتاردى مەڭگەرەدى. سونداي-اق، كەلەر جىلى ەلدە ارنايى قىزدار ۋنيۆەرسيتەتى اشىلادى.

24.kz