ىشكى ىستەر مينيسترلىگى تاراتقان اقپاراتقا سايكەس، Covid-19 كوروناۆيرۋس ينفەكسياسى سالدارىنان كوپتەگەن ادامنىڭ ءومىرى قيىلۋدا. تەك ءبىر تاۋلىك ىشىندە قازاقستاندا قاۋىپتى ينفەكسياعا وڭ پ ت ر- تالداۋى بار 5648 ناۋقاس انىقتالدى. بارلىق قابىلدانعان شەكتەۋ شارالارىنا قاراماستان، بۇل سان كۇن سايىن ءوسىپ كەلەدى.
ءى ءى م- ءنىڭ اسا الاڭداتارلىق ەپيدەميولوگيالىق جاعدايىن ەسكەرە وتىرىپ، مەملەكەت باسشىسىنىڭ تاپسىرماسى بويىنشا وسى اۋرۋمەن بايلانىستى بارلىق قىلمىستىق كورىنىستەرگە ەرەكشە كوڭىل بولىنەدى. جالعان پ ت ر تەستىلەرى مەن ۆاكسيناتسيا پاسپورتتارىن قولدان جاساۋ جانە پايدالانۋشىلاردى انىقتاۋ باعىتىنداعى جۇمىستار بەلسەندى جۇرگىزىلۋدە، ويتكەنى ۆاكسيناتسيالانباعان ازاماتتار كوروناۆيرۋستىڭ تارالۋىنا جاعداي جاساي جاساپ، باسقالارعا جۇقتىرۋ قاۋپىن جوعارىلاتادى. تەرگەۋ بولىمشەلەرىنىڭ وندىرىسىندە پ ت ر- تەستىلەردى قولدان جاساۋ، دايىنداۋ نەمەسە وتكىزۋ بويىنشا قىلمىستىق كودەكستىڭ 385-بابى بويىنشا 42 قىلمىستىق ءىس بولدى (ق ك 385-بابى 1-بولىگى-23، 2-بولىگى-3, 3-بولىگى-16)، ونىڭ ىشىندە 39-ى اعىمداعى جىلى تىركەلگەن.
ۆاكسينا پاسپورتىن قولدان جاساۋ فاكتىلەرى بويىنشا اعىمداعى جىلى 23 قىلمىستىق ءىس تىركەلدى، تەرگەۋ جالعاسۋدا. قولدان جاسالعان قۇجاتتاردىڭ سانى جانە ءاربىر ءىس بويىنشا زاڭعا قايشى ارەكەتتەرگە قاتىسۋشىلاردىڭ سانى دا ءار ءتۇرلى. بۇلار تەرگەۋ ناتيجەلەرى بويىنشا ناقتىلاناتىن بولادى. ىشكى ىستەر ورگاندارى جالعان پ ت ر- انىقتامالار مەن ۆاكسينا پاسپورتىن ساتۋ فاكتىلەرىن انىقتاۋ بويىنشا ءتۇرلى جەدەل- ىزدەستىرۋ ءىس- شارالارىن جۇرگىزۋدە. پوليتسيا قىزمەتكەرلەرى مەديتسينالىق ورتالىقتاردى، ەمحانالاردى، ۆاكسينا الۋ پۋنكتتەرىن تەكسەرۋدى جالعاستىرۋدا. ءى ءى م جالعان قۇجات جاساعانى ءۇشىن 4 جىلعا دەيىن باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك، ال ونى پايدالانعانى ءۇشىن 40 تاۋلىككە دەيىن قاماۋعا الۋ كوزدەلگەنىن ەسكە سالادى.