الماتى وبلىسىندا 23 ەلدىمەكەنگە گاز تارتىلادى

نۇر- سۇلتان. قازاقپارات - الماتى وبلىسىنىڭ اكىمى اماندىق باتالوۆ ءوڭىردى گازبەن جانە اۋىز سۋمەن قامتۋ جۇمىستارى تۋرالى ايتىپ بەردى، دەپ حابارلايدى قازاقپارات ءتىلشىسى.

«ءبىز گازداندىرۋ باعىتىندا دا اۋقىمدى جۇمىستار اتقارىپ كەلەمىز. وتكەن جىلى وبلىس تۇرعىندارىنىڭ % 59- ىنا گازعا قوسىلۋ مۇمكىندىگى جاسالدى (1,2 ميلليون ادام). بيىلعى جىلى تاعى 23 ەلدىمەكەندە گازعا قوسىلۋعا جاعداي جاسالىپ، % 61- عا جەتەدى»، - دەدى ا. باتالوۆ ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

اكىمنىڭ ايتۋىنشا، قالعان اۋدانداردى گازداندىرۋ ءۇشىن «تالدىقورعان - ءۇشارال»، «شەلەك- كەگەن» ماگيسترالدى گاز قۇبىرى قۇرىلىسىنىڭ جوبالىق- سمەتالىق قۇجاتتاماسى اياقتالادى. قۇرىلىس جۇمىستارى كەلەسى جىلى باستالادى.

«وبلىستا ورتالىقتاندىرىلعان اۋىز سۋمەن قامتۋ دەڭگەيى رەسپۋبليكا بويىنشا الدىڭعى قاتاردا، ياعني �,3 (678 ەلدىمەكەن). بيىل 7 اۋىلعا سۋ قۇبىرىن جۇرگىزۋ ارقىلى بۇل كورسەتكىشتى �,5 (685 ەلدىمەكەن) جەتكىزەمىز (48 ەلدىمەكەن قالادى)، سول سياقتى 11 اۋىلدا اۋىز سۋ ساپاسى جاقسارتىلادى»، - دەيدى ا. باتالوۆ.

بۇعان دەيىن سپيكەر الماتى وبلىسىندا 275 مىڭ ادام شاعىن جانە ورتا بيزنەسپەن اينالىساتىنىن ايتقان ەدى.

اۆتور: ايجان سەرىكجان قىزى