نۇر-سۇلتاندا 23-ماۋسىمنان باستاپ بارلىق بالاباقشالار جابىلادى
بۇرىن بالالار سانىن ءبىر توپتا 15 ادامنان اسىرماۋ تارتىبىمەن بالاباقشالار كەزەكشى توپتاردا جۇمىس ىستەيتىن. ەپيدەميولوگيالىق جاعدايدى جانە تاربيەشىلەردىڭ COVID-19 جۇقتىرۋ فاكتىلەرىن ەسكەرە وتىرىپ، بالاباقشالاردىڭ قىزمەتىن توقتاتا تۇرۋ تۋرالى شەشىم قابىلداندى. ەگەر بالالاردىڭ قاسىندا قالدىراتىن ەشكىم بولماسا، اتا-انالاردىڭ ءبىرى قاشىقتان جۇمىس رەجيمىنە اۋىسۋى كەرەك. كارانتين كەزەڭىندە بالالاردىڭ جالپى سانىنىڭ تەك ى بالاباقشالارعا (مەملەكەتتىك جانە جەكە) باردى. قابىلدانعان شارالار تەك بالالاردىڭ دەنساۋلىعىن ساقتاۋعا جانە ينفەكسيانىڭ تارالۋ قاۋپىن ازايتۋعا باعىتتالعان. بالاباقشالار جۇمىسىنىڭ قايتا جاندانۋى قالاداعى ەپيدەميولوگيالىق جاعدايعا بايلانىستى بولادى. سانيتارلىق نورمالاردى قاتاڭ ساقتاۋ كەرەك: ماسكا كيىپ، قولىڭىزدى انتيسەپتيكپەن تازالاڭىز جانە الەۋمەتتىك قاشىقتىق ساقتالۋىن قاداعالاڭىز.