ق ر ىشكى نارىعىندا سۇيىتىلعان مۇناي گازىنىڭ باعاسى تونناسىنا 23 مىڭ تەڭگە بولىپ بەلگىلەندى
دەپ حابارلايدى pm.kz.
ق ر «گاز جانە گازبەن قامتۋ تۋرالى» زاڭىنا سايكەس سۇيىتىلعان مۇناي گازىنىڭ ىشكى نارىقتاعى شەكتى كوتەرمە باعاسىن ق ر ەنەرگەتيكا مينيسترلىگى بەلگىلەيدى جانە ول ەلىمىزدىڭ بارلىق ايماعىندا ارەكەت ەتەدى.
گازدىڭ ىشكى نارىقتاعى شەكتى كوتەرمە باعاسىن بەلگىلەۋ ىشكى نارىقتا تاۋارلىق جانە سۇيىتىلعان مۇناي گازىنىڭ شەكتى كوتەرمە باعاسىن ايقىنداۋ ەرەجەسىنە سايكەس جۇزەگە اسىرىلادى.
اتاپ ايتقاندا، 2015 -جىلدىڭ اقپانىندا سۇيىتىلعان مۇناي گازىنىڭ ەلىمىزدەگى كوتەرمە باعاسى
تونناسىنا 11033,91 تەڭگە دەڭگەيىندە بەلگىلەندى. بۇل كورشى ەلدەرمەن سالىستىرعاندا بىرنەشە ەسە ارزان (رەسەي - 59019 تەڭگە/توننا، تاجىكستان - 104864 تەڭگە/توننا) ، ياعني، سۇيىتىلعان مۇناي گازىن وندىرۋشىلەر ءۇشىن ىشكى نارىققا سۇيىتىلعان گاز جەتكىزۋ ءتيىمسىز.
«ەلىمىزدىڭ ىشكى نارىعىنا سۇيىتىلعان مۇناي گازىن تۇراقتى تۇردە جەتكىزۋدى قامتاماسىز ەتۋ جانە ءوندىرۋشى زاۋىتتاردىڭ شىعىندارىن ازايتۋ ماقساتىندا ق ر ەنەرگەتيكا مينيسترلىگىنىڭ بۇيرىعىمەن 2016 -جىلدىڭ 30 - قىركۇيەگىنە دەيىنگى كەزەڭدە سۇيىتىلعان مۇناي گازىنىڭ ىشكى نارىقتاعى شەكتى كوتەرمە باعاسى تونناسىنا 23106,45 تەڭگە/توننا بولىپ بەلگىلەندى»، - دەپ حابارلايدى ۆەدومستۆودا.
مينيسترلىك اكىمدىكتەرگە، ق ر ۇ ە م تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنە، ق ر قارجى مينيسترلىگىنىڭ مەملەكەتتىك كىرىستەر كوميتەتىنە ىشكى نارىق ءۇشىن سۇيىتىلعان مۇناي گازىنىڭ بولشەك ساۋدا باعاسىنىڭ قىمباتتاۋىنا جول بەرمەۋ جونىندە قاجەتتى شارالار قابىلداۋدى ۇسىندى.