بۇل تۋرالى ر ي ا نوۆوستي اسسوشيەيتەد پرەسس اگەنتتىگىنە سىلتەمە جاساپ حابارلادى. بۇنىڭ الدىندا 18 ادام ءولىمى تىركەلگەن بولاتىن.
اگەنتتىك مالىمەتتەرىنە سۇيەنسەك، 100 دەن استام ءۇي قيراپ، مىڭداعان ادام ەلەكتر جارىعىنسىز قالعان. بيلىك ادام ءولىمىنىڭ وسۋىنەن قاۋىپتەنۋدە. ىزدەستىرۋ-قۇتقارۋ جۇمىستارى جۇرگىزىلۋدە.
ا ق ش- تىڭ توتەنشە جاعدايلار جونىندەگى فەدەرالدىق اگەنتتىگى تابيعي اپات سالدارىمەن كۇرەسۋ ءۇشىن كوماندالار جىبەرگەن. ولار شتات بيلىگىمەن بىرگە شىعىن كولەمىن باعالاماق. جينالعان اقپارات نەگىزىندە شتات بيلىگى فەدەرالدىق كومەككە جۇگىنەدى.
وسىنىڭ الدىندا 500 گە جۋىق ادامنىڭ سۋ تاسقىنىنىڭ سەبەبىنەن باتىس ۆيردجينيا شتاتىنىڭ ەلكۆيۋ قالاسىنداعى ساۋدا ورتالىعىندا قامالىپ قالعانى حابارلانعان ەدى.
شتاتتاعى نوسەر جاۋىن بەيسەنبى كۇنى باستالعان. ۆيردجينيا جانە باتىس ۆيردجينيا شتاتتارىندا توتەنشە جاعداي رەجيمى ەنگىزىلدى.