قىزىلوردادا توي سالتاناتتارىنىڭ 23 جۇرگىزۋشىسىنە ايىپپۇل سالىندى
19:34, 06 - قازان 2015
استانا. قازاقپارات - قىزىلوردادا توي سالتاناتتارىنىڭ 23 جۇرگىزۋشىسىنە قاتىستى اكىمشىلىك حاتتامالار تولتىرىلىپ، ايىپپۇلدار سالىندى، دەپ حابارلادى قىزىلوردا وبلىستىق ءى ءى د باسپا ءسوز قىزمەتى.
3-4 -قازاندا وبلىستا «كورتەج» رەيدتىك شاراسى وتكىزىلدى. رەيد بارىسىندا توي سالتاناتتارىنىڭ 23 جۇرگىزۋشىسىنە قاتىستى اكىمشىلىك حاتتامالار تولتىرىلىپ، ايىپپۇلدار سالىندى.
«قىزىلوردا وبلىسى كولەمىندە توي سالتاناتىنىڭ اۆتوشەرۋىنە قاتىسۋشىلارمەن ورىن الاتىن جول اپاتتارىنىڭ الدىن الۋ، جول قوزعالىسى قاتىسۋشىلارىنا تۋدىراتىن قاۋىپتىلىكتى بولدىرماۋ، كوشەلەردە كەپتەلىس جاساپ، دىبىس سيگنالىن بەي- بەرەكەت باسۋ، جول قوزعالىسى ەرەجەلەرىن ورەسكەل بۇزۋ دەرەكتەرىن انىقتاۋ ماقساتىندا رەيدتىك شارا ۇيىمداستىرىلدى. اتالعان رەيد جىل سوڭىنا دەيىن جالعاساتىن بولادى»، - دەلىنگەن حابارلامادا.