قازاقستاندا 239 جاڭا ماماندىق پايدا بولادى - ەرالى توعجانوۆ
بۇل تۋرالى ءماجىلىستىڭ جالپى وتىرىسىندا ق ر پرەمەر- ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.
«بۇگىندە تاجىريبەسى جانە تاڭداعان ماماندىعىنا سۇرانىستىڭ ازدىعىنان جاستاردىڭ جۇمىسقا ورنالاسۋ مۇمكىندىگى شەكتەلىپ وتىر. بۇل ماسەلەنى وزدەرىڭىز دە كوتەرىپ جۇرسىزدەر. بۇعان قوسا قازاقستاندا 129 ماماندىق جويىلىپ بارادى، 95 ى ترانسفورماتسيالانۋدا، 239 جاڭا ماماندىق پايدا بولادى. وسىعان وراي، حالىقارالىق تاجىريبەگە سايكەس جۇمىسقا تۇرۋدىڭ ءتيىمدى جولى رەتىندە، پاۆلودار وبلىسىنىڭ 15 كوللەدجى بازاسىندا جاڭا كاسىپتەر اتلاسى ازىرلەنىپ، تاجىريبەدەن ءوتتى»، - دەدى ە. توعجانوۆ.
ونىڭ ايتۋىنشا، سونىڭ ناتيجەسىندە كادرلارعا قاجەتتىلىكتىڭ 17 وڭىرلىك كارتاسى ازىرلەنىپ، قولدانىسقا ەنگىزىلەدى. سونداي- اق مەكتەپتەردە 7-سىنىپتان باستاپ ماماندىق تاڭداۋعا باۋليتىن «پەداگوگ- كاسىپتىك باعدار بەرۋشى» مامانى ەنگىزىلەدى. بۇل جۇمىستارعا دەپۋتات ساياسات نۇربەك جەتەكشىلىك ەتەتىن بولادى.
«سونىمەن قاتار كوللەدجدەر جانىنان ستۋدەنتتەرگە تاجىريبە جيناقتاۋعا مۇمكىندىك بەرەتىن 100 شاعىن كاسىپورىن قۇرىلماق. وسىنداي ءتاسىل ءساتتى ىسكە اسقان اقتوبە قالاسىنداعى ەكونوميكا، بيزنەس جانە قۇقىق كوللەدجىنىڭ 188 ستۋدەنتىنىڭ 144 ى وقۋىن وقي ءجۇرىپ جۇمىسقا ورنالاستى. العاش رەت جوعارى وقۋ ورىندارىندا ستۋدەنتتەردىڭ ماماندىعى بويىنشا جۇمىسقا ورنالاسۋىنا جاردەمدەسەتىن 100-دەن اسا كارەرالىق ورتالىق قۇرىلادى»، - دەدى ۇكىمەت باسشىسىنىڭ ورىنباسارى. بۇدان بۇرىن حابارلانعانداي، جوعارى وقۋ ورىندارىنا بەرىلەتىن گرانتتار سانى 75 مىڭعا دەيىن ۇلعايتىلادى.
ونىڭ ىشىندە تەحنيكالىق جانە IT سالالارعا گرانتتار ` عا دەيىن وسەدى. ايتا كەتەيىك، بۇگىن ءماجىلىستىڭ جالپى وتىرىسىندا وڭىرلەرگە شىعۋ بارىسىندا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىنا كەلىپ تۇسكەن ازاماتتاردىڭ وتىنىشتەرىن مەملەكەتتىك ورگانداردىڭ قاراۋ ناتيجەلەرى تالقىلانىپ جاتىر. دەپۋتاتتاردىڭ وڭىرلەرگە ساپارلارى بارىسىندا كوتەرىلگەن ەكى مىڭعا جۋىق سۇراقتار ۇكىمەت تاراپىنان جان-جاقتى ساراپتالىپ، قارالدى.