«الەۋمەتتىك جەلىلەردە قاڭتار وقيعاسىندا قازا بولعان ازاماتتاردىڭ سانىنا سەنىمسىزدىك تانىتقان جازبالار جاريالاندى. جاپپاي تارتىپسىزدىك كەزىندە 238 ازامات قايتىس بولدى دەپ رەسمي تۇردە مالىمدەيمىز. ءاربىر ءولىم فاكتىسى بويىنشا تەرگەۋ ورگاندارى سوتقا دەيىنگى ءىستى تىركەدى. قازا تاپقاندار تۋرالى ءبىزدىڭ دەرەك سەنىمدى، جۇرگىزىلگەن سوتقا دەيىنگى تەرگەپ-تەكسەرۋ شەڭبەرىندە قايتا تەكسەرىلدى. وسى ورايدا جالعان اقپارات تاراتقاندارعا جاۋاپكەرشىلىك بارىن ەسكە سالامىن»، - دەدى ق ر باس پروكۋراتۋراسى 1 قىزمەت باستىعىنىڭ ورىنباسارى ەلدوس قيلىمجانوۆ و ك ق- دە وتكەن بريفينگتە.
سونداي-اق، اتالعان ۆەدومستۆو وكىلى ادام شىعىنىنان بولەك، نىساندار مەن مەكەمەلەرگە زالال كەلگەنىن ايتتى.
«جاپپاي تارتىپسىزدىكتەر بولعان قالالاردا 1466 عيمارات پەن مەكەمە قيرادى. ونىڭ ىشىندە 1395 بيزنەس نىسانى جانە 71 مەملەكەتتىك مەكەمە. ايتار بولساق، 5- قاڭتار ساعات 6.00 دەن 23.00 ارالىعىندا الماتىدا قالا اكىمدىگىنە، رەزيدەنتسياعا، اۋەجايعا، «حابار»، «قازاقستان»، «مير 24» تەلەارنالارىنىڭ كەڭسەلەرىنە شابۋىل جاسالدى. سونىمەن قاتار قۇقىقتىق ستاتيستيكا جانە ارنايى ەسەپكە الۋ كوميتەتىنىڭ باسقارماسى عيماراتى قيراتىلدى»، - دەيدى ول.
بۇعان دەيىن حابارلاعانىمىزداي، قاڭتار وقيعاسىنا قاتىسقان 1 مىڭنان استام ادامعا راقىمشىلىق جاسالدى.