«2019-2020 ج ج. قىسقى كەزەڭ جولشىلار ءۇشىن جابىسقاق قاردىڭ سالدارىنان «وسكەمەن - زىريانوۆ - راحمانوۆ قاينارى» اۆتوموبيل جولىنىڭ جابىلۋىنان باستالدى. قازان جانە جەلتوقسان ايلارىنىڭ ارالىعىندا رەسپۋبليكالىق ماڭىزعا يە جولداردا قوزعالىسقا 235 رەت شەكتەۋ قويىلعان»، دەلىنگەن حابارلامادا.
قازان جانە جەلتوقسان ايىندا شىعىس قازاقستان وبلىسىنىڭ جولدارىنداعى قوزعالىس 72 رەت شەكتەلگەن. جولدىڭ جابىلۋىنىڭ جيىلىگى بويىنشا وڭىرلەر اراسىنداعى ەكىنشى ورىن اقمولا وبلىسىنا تيەسىلى. مۇندا جولدارداعى قوزعالىسقا 49 رەت شەكتەۋ قويىلىپتى.
«جولدار كوبىنە جولداعى جاعدايدى كورۋگە كەدەرگى كەلتىرەتىن، جول- كولىك وقيعالارىنىڭ تۋىنداۋىنا قاۋىپ توندىرەتىن تۇمان، بوران، جابىسقاق قار، جاڭبىر، اۋا تەمپەراتۋراسىنىڭ تومەندەۋى سياقتى اۋا رايىنىڭ قولايسىز جاعدايلارى سالدارىنان جابىلادى»، دەلىنگەن حابارلامادا.
قاراشادا شىعىس قازاقستان وبلىسىندا تەمپەراتۋرا 34- گرادۋسقا دەيىن تومەندەپ جولدار 15 رەت جابىلدى. سول كەزدە وڭىردە 12 جىلىتۋ پۋنكتى جۇمىس ىستەدى. قازاقستاندا وسىنداي 124 پۋنكت بار.
بۇدان بولەك، بيىل جولشىلار كوكتايعاقتا جولعا شاشىلاتىن 60 مىڭ تەكشە مەتر قۇم، 13 مىڭ تەكشە مەتر تۇز قوسپاسىن دايىنداعان. اۋا رايى قولايسىز كەزدە «قازاقاۆتوجول» ج ش س جولداردى ءجىتى باقىلاۋعا الادى. كاسىپورىن 1067 جول تەحنيكاسىمەن جابدىقتالعان.
قازاقستاندا جولداردىڭ 25 مىڭ شاقىرىمى قىسقى كۇتىپ ۇستاۋ شاراسىمەن قامتىلسا، ونىڭ 21,1 مىڭ شاقىرىمى «قازاقاۆتوجول» ج ش س-نا، 3,4 مىڭ شاقىرىمى قايتا قۇرۋ نىساندارىنداعى مەردىگەرلىك ۇيىمداردىڭ جانە 422 شاقىرىمى كۇردەلى جوندەۋدىڭ اۋىسپالى نىساندارىنىڭ قاراماعىندا.
ەسكە سالايىق، جالپى پايدالانىمداعى جولدارداعى قوزعالىستىڭ شەكتەلۋى مەن جابىلۋىنا «QazAvtoJol» ۇ ك» ا ق، ق ر ءى ءى م توتەنشە جاعدايلار جانە اكىمشىلىك پوليتسيا كوميتەتتەرى جاۋاپتى.