ساياسي پارتيالار ءماجىلىس دەپۋتاتتىعىنا 234 كانديدات ۇسىندى
بۇل تۋرالى بۇگىن ق ر ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ ءمالىم ەتتى.
ونىڭ اتاپ وتۋىنشە، پارتيالىق تىزىمدەر بويىنشا سايلاناتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن سايلاۋدى ازىرلەۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارىنا سايكەس 2016 -جىلعى 8 -اقپاندا كانديداتتاردى ۇسىنۋ اياقتالدى.
«كانديداتتاردى ۇسىنۋ ءىس- شارالارى كونستيتۋتسياعا جانە سايلاۋ زاڭناماسىنا تولىق سايكەستىكتە ءوتتى. ق ر و س ك- عا بارلىعى 6 ساياسي پارتيانىڭ: «نۇر وتان» پارتياسىنىڭ، قازاقستاننىڭ «اق جول» دەموكراتيالىق پارتياسىنىڭ، «اۋىل» حالىقتىق-دەموكراتيالىق پاتريوتتىق پارتياسىنىڭ، قازاقستان كوممۋنيستىك حالىق پارتياسىنىڭ، جالپىۇلتتىق سوتسيال- دەموكراتيالىق پارتياسىنىڭ جانە «بىرلىك» ساياسي پارتياسىنىڭ تىزىمدەرى، جالپى سانى 234 كانديدات ۇسىنىلدى. قازىرگى ۋاقىتتا «نۇر وتان» پارتياسىنىڭ، «اق جول» ق د پ- نىڭ، «اۋىل» ح د پ پ- نىڭ جانە ق ك ح پ- نىڭ پارتيالىق تىزىمدەرى تىركەلدى»، - دەدى ول.
ق. تۇرعانقۇلوۆتىڭ اتاپ وتۋىنشە، ولاردىڭ قۇرامىندا 10 ۇلتتىڭ وكىلدەرى بار 203 كانديدات قامتىلعان. تىركەلگەن كانديداتتاردىڭ 80 پايىزى - ەر ادامدار جانە 20 پايىزى - ايەل ادامدار. كانديداتتاردىڭ 99 پايىزدان استامىنىڭ جوعارى ءبىلىمى بار.
ءوز پارتيالىق ءتىزىمىن تىركەگەن پارتيالار سايلاۋ قورلارىنا قاراجات جيناۋ ءۇشىن ارنايى شوتتاردى اشۋ جونىندە جۇمىس جۇرگىزۋدە. وسىمەن قاتار ساياسي پارتيالاردىڭ جانە ءماسليحاتتار دەپۋتاتتىعىنا كانديداتتاردىڭ سايلاۋ قورلارىن تىركەۋ جۇرگىزىلۋدە. جسدپ جانە «بىرلىك» سپ- نىڭ تىزىمدەرىنە ەنگىزىلگەن كانديداتتارعا قاتىستى قازىرگى ۋاقىتتا ولاردىڭ كونستيتۋتسيانىڭ جانە سايلاۋ تۋرالى زاڭنىڭ تالاپتارىنا سايكەستىگىن تەكسەرۋ جالعاستىرىلۋدا»، - دەدى و س ك باسشىسى.
اۆتور: مارلان جيەمباي