الماتىدا 2345 ليتر كۇماندى دەزينفەكتسيا ءونىمى انىقتالدى
المالى اۋدانىنىڭ اۋماعىندا جەكە ۇيلەردىڭ بىرىنەن سۇيىقتىق قۇيىلعان 469 بوتەلكە تابىلىپ، تاركىلەندى. دەزينفەكتسيا ءونىمنىڭ جالپى كولەمى 2345 ءليتردى قۇرايدى.
«يەسىنىڭ ءوزى تۇسىندىرگەندەي، ول وسى ءونىمدى دوسىنان قالادا ساتۋ ءۇشىن العان. الايدا ونىڭ ءتيىستى قۇجاتتارى جوق. كەيبىر كانيسترلەردە جاپسىرمالار دا جوق. ءوندىرۋ ءادىسى مەن حيميالىق قۇرامى دا بەلگىسىز. وسىعان بايلانىستى، ءبىز، ءوز مىندەتتەرىمىزگە قاراي شارالار قابىلدادىق. سوت- حيميالىق ساراپتاما تاعايىندالدى. جيناعان ماتەريالدار الماتى قالاسى بويىنشا دەر- گە تاپسىرىلدى. ارينە، زاڭدىلىق ءپرينتسيپى ءبىرىنشى كەزەكتە كەلەدى، ال، ەگەر بۇل سۇيىقتىقتىڭ انتيسەپتيكالىق قاسيەتتەرى بولماسا، ونى قازىرگى ۋاقىتتا ساتۋ - تەك تۇتىنۋشىنى الداۋ عانا ەمەس، جاسىرىن قىلمىس. بۇل ءونىم ءار ءتۇرلى حيميالىق قوسپالارمەن دۇرىس ەمەس پروپورتسيادا قولمەن جاسالعان جاعدايدا وندىرىلسە، ول ءتىپتى زيان. ەندى وسى ماسەلەمەن «سۇيىقتىق» يەسىنىڭ ءىس- ارەكەتىن ءدال انىقتايتىن ءتيىستى ورگاندار اينالىسادى» ، - دەدى، الماتى قالالىق پ د باستىعىنىڭ ورىنباسارى بەرىك ابىلبەكوۆ.