22 - اقپاننان باستاپ 26 - ناۋرىز ارالىعىندا ەل اۋماعىندا 585 تۇرعىن ءۇيدى سۋ باسقان بولاتىن. بۇگىنگى كۇنى شىعىس قازاقستان وبلىسىندا 230 ءۇي سۋ استىندا قالىپ وتىر. مينيستر ورىنباسارى يۋري يلين باستاعان جەدەل توپ بۇگىن شىعىس قازاقستان وبلىسىنا اتتانادى»، - دەدى ول.
كوميتەت وكىلىنىڭ ايتۋىنشا، شىعىس قازاقستان وبلىسىنا وڭتۇستىك قازاقستان، الماتى وبلىستارىنىڭ توتەنشە جاعدايلار دەپارتامەنتتەرىنىڭ قۇتقارۋ كۇشتەرى، الماتى قالاسىندا ورنالاسقان رەسپۋبليكالىق جەدەل قۇتقارۋ جاساعى جىبەرىلگەن.
«سونىمەن قاتار وڭتۇستىك قازاقستان وبلىسىنان ۇشاقپەن شىعىس قازاقستان وبلىسىنا لاي سۋلاردى سورىپ الۋ ءۇشىن موتوپومپالار جەتكىزىلدى. بۇگىنگى كۇنى شىعىس قازاقستان وبلىسىندا قاجەتتى جۇمىستار جۇرگىزىلىپ جاتىر»، - دەدى ءسابيت بيتايەۆ.
اۆتور: مارلان جيەمباي