يندۋستريالاندىرۋ كارتاسى بويىنشا ىسكە قوسىلعان وندىرىستەر 230 ميلليارد تەڭگەگە ءونىم شىعاردى - قاراعاندى وبلىسى
بۇل تۋرالى وبلىستىق ونەركاسىپ جانە يندۋستريالىق- يننوۆاتسيالىق دامۋ باسقارماسىنان حابارلادى.
يندۋستريالاندىرۋ كارتاسىنىڭ جوبالارى وبلىستىڭ بارلىق 18 ايماعىندا ىسكە اسىرىلىپ وتىر. جاڭا وندىرىستەر ەكونوميكانىڭ 10 سالاسىندا قۇرىلۋدا.
«باعدارلاما ىسكە اسىرىلا باستالعاننان بەرى يندۋستريالاندىرۋ كارتاسىنىڭ جوبالارى 230 ميلليارد تەڭگەگە ءونىم شىعاردى. 2015 - جىلى جالپى قۇنى 80 ميلليارد تەڭگە بولاتىن، 1 مىڭ جاڭا جۇمىس ورنى قۇرىلاتىن 13 جوبانى ىسكە قوسۋ جوسپارلانعان»، - دەپ اتاپ ءوتتى باسقارمادان.
ەسەپتىك مالىمەتتەر بويىنشا ءۇ ي ي د مەملەكەتتىك باعدارلاماسىن ىسكە اسىرۋدىڭ 2010-2014 - جىلدارى وبلىستىڭ ونەركاسىپ كاسىپورىندارى 6,5 تريلليوننان استام تەڭگەگە ءونىم (جيىنتىق كولەمدە) شىعاردى. 2014 - جىلدىڭ ناتيجەسى 1411 ميلليارد تەڭگەنى قۇراپ، 2009 - جىلمەن سالىستىرعاندا 600 ميلليارد تەڭگەگە وسكەن. بىلتىرعى جىلمەن سالىستىرعاندا فيزيكالىق كولەم يندەكسى 103,7 پايىزدى قۇرادى.
«ونەركاسىپ ءوندىرىسىنىڭ وڭ ديناميكاسى ساقتالىپ وتىر. 2015 - جىلدىڭ 5 ايى بويىنشا ونەركاسىپ ءوندىرىسىنىڭ يندەكسى 512 ميلليارد تەڭگەگە دەيىن - 12,2 پايىزعا ارتتى، سونىڭ ىشىندە وڭدەۋ ونەركاسىبىندە 16,1 پايىزعا وسكەن»، - دەپ قوسىپ ءوتتى باسقارمادا.
ونىڭ مالىمەتتەرى بويىنشا، ايماقتاعى وڭدەۋ ونەركاسىبىندەگى ەڭبەك ونىمدىلىگى ءبىر ادامعا شاققاندا شامامەن 18 مىڭ دوللاردى قۇراپ وتىر.