2021 -جىلى الماتىداعى تاسىمالداۋ كومپانياسىندا بۋحالتەر بولىپ جۇمىس ىستەگەن كۇدىكتى باسشىسىنان 230000 ا ق ش دوللارىن بانكتىك سەيفتە ساقتاۋ ماقساتىندا الىپ، يەمدەنگەن دەپ ايىپتالىپ وتىر.
قىلمىس جاسالعاننان كەيىن كۇدىكتى جاسىرىنعان جانە حالىقارالىق ىزدەۋدە بولعان.
2024 -جىلعى ماۋسىم ايىندا گرەكيا جەرىندە ۇستالىپ، قازاقستان تاراپىنان تۇسكەن ءوتىنىش نەگىزىندە ەلگە جەتكىزىلدى.
قازاقستان مەن گرەكيا اراسىندا تىكەلەي اۋە قاتىناسى جوق بولعاندىقتان، ەكستراديتسيا سەربيا ارقىلى ترانزيتتىك تاسىمالداۋ جولىمەن جۇزەگە اسىرىلدى. بۇل پروتسەستە قازاقستاننىڭ سەربياداعى ەلشىلىگى كومەك كورسەتتى.
قازىرگى ۋاقىتتا كۇدىكتى استانا قالاسىنداعى تەرگەۋ يزولياتورىنا قامالدى.
وعان قاتىستى قىلمىستىق ءىس قوزعالعان. زاڭ بويىنشا، مۇلكى تاركىلەنىپ، بەلگىلى لاۋازىمداردى اتقارۋ نەمەسە قىزمەتپەن اينالىسۋ قۇقىعىنان 10 جىلعا دەيىن ايىرۋ جانە 10 جىلعا دەيىن باس بوستاندىعىنان ايىرۋ جازالارى قاراستىرىلعان.