اتاۋلى كۇندەر
حالىقارالىق ءدىن جانە سەنىم- نانىم نەگىزىندەگى زورلىق- زومبىلىق قۇرباندارىن ەسكە الۋ كۇنى
ب ۇ ۇ باس اسسامبلەياسىنىڭ 2019 -جىلعى 13- مامىرداعى قارارى نەگىزىندە جاريالاندى. وندا ءدىن جانە سەنىم- نانىم نەگىزىندە كەز كەلگەن ادامعا، ونىڭ مۇلكى، ءۇيى، مادەني قۇندىلىقتارىنا جانە ت. ب قاتىستى قاندايدا ءبىر تۇردە زورلىق- زومبىلىق كورسەتۋگە تىيىم سالىنعان.
ەستە قالار وقيعالار
1832 -جىلى اقمولا سىرتقى وكرۋگى مەن اقمولا دۋانى قۇرىلدى. وكرۋگتىڭ ورتالىعى ەسىل وزەنىنىڭ جاعالاۋىنداعى قاراوتكەل شاتقالىندا ورنالاسقان اقمولا بەكىنىسى (1845 -جىلدان باستاپ اقمولا ستانيتساسى) بولدى.
1909 -جىلى ۋفا قالاسىندا اقىن ءمىرجاقىپ دۋلاتوۆتىڭ «ويان، قازاق!» اتتى ولەڭدەر جيناعى باسىلىپ شىقتى.
2009 -جىلى ماسكەۋدە، قازاقستان رەسپۋبليكاسىنىڭ رەسەيدەگى ەلشىلىگىنىڭ رەزيدەنتسياسىندا بەلگىلى جۋرناليست، «قازاقپارات» اگەنتتىگىنىڭ مەنشىكتى ءتىلشىسى سارا نۇرعاليەۆانىڭ «تەڭدىك بەلگىسى» كىتابى تانىستىرىلدى. دەرەكتى پوۆەست قازاقستاندىق عارىشكەر، رەسەي باتىرى جانە قازاقستاننىڭ حالىق قاھارمانى تالعات مۇسابايەۆقا ارنالعان. باسىلىمنىڭ العاشقى تارالىمى 5 مىڭ دانا بولدى. كىتاپ جوعارى جانە ورتا وقۋ ورىندارىنا، كىتاپحانالار مەن مۇراجايلارعا تاراتىلدى.
2011 -جىلى ق ر ۇلتتىق بانكى «ءال- فارابي» (التىن) جانە «الدار- كوسە» (كۇمىس) ەستەلىك مونەتالارىن اينالىمعا شىعاردى.
2012 -جىلى جيىرما بەس جاستاعى قازاقستاندىق سكريپكاشى ەرجان ق ۇلىبايەۆ بۋەنوس- ايرەستە حالىقارالىق بايقاۋدىڭ ءبىرىنشى جۇلدەسىن يەلەندى.
2014 -جىلى الماتىدا س س س ر حالىق ءارتىسى، وپەرالىق ءانشى ەرمەك سەركەبايەۆتىڭ مەموريالدىق تاقتاسى اشىلدى.
2015 -جىلى قازاقستاننىڭ تۇركياداعى ەلشىلىگىندە قازاق حاندىعىنىڭ 550 -جىلدىعىنا ارنالعان كونفەرەنتسيا بولدى. وندا قازاقستان مەن تۇركيانىڭ ەكىجاقتى قارىم- قاتىناستارى تاريحىنا، قازاقستانداعى ايتۋلى وقيعالارعا ارنالعان فوتوكورمە ۇيىمداستىرىلدى.
2015 -جىلى ش ق و قاتونقاراعاي اۋدانى قاراقابا جازىعىندا حالىقارالىق تۇركى اكادەمياسى ۇيىمداستىرعان «التاي - التىن بەسىگىم» اتتى العاشقى حالىقارالىق ارحەولوگيالىق ەكسپەديتسيا اياقتالدى.
2016 -جىلى بەلگرادتا ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆتىڭ «جامبىل. ۇلى دالا اقىنى» اتتى كىتابى سەرب تىلىندە جارىق كوردى.
2017 -جىلى ارال ماڭىنداعى قورقىت اتا ەسكەرتكىش كەشەنىنەن قوبىزدىڭ ءمۇسىنى تابىلدى. عالىمدار 40 سانتيمەتر كەلەتىن تاس ءمۇسىندى وعىزدار داۋىرىنە جاتقىزدى. ول V-VI عاسىرلاردا پورتتى قالا سورتوبە ورنالاسقان جەردە جۇرگىزىلگەن ارحەولوگيالىق زەرتتەۋلەر كەزىندە تابىلدى.
2017 -جىلى «اتاۋلى كۇندەر» سەرياسىمەن «التىن سارباز» قازاقستان رەسپۋبليكاسىنىڭ العاشقى پوشتا ماركاسىنا 25 -جىل» تاقىرىبىنداعى پوشتا ماركالارى اينالىمعا شىعارىلدى. پوشتا ماركاسىندا 1969 -جىلى الماتى ماڭىنداعى ەسىك قورعانىندا قازبا جۇمىستارىن جۇرگىزۋ كەزىندە تابىلعان ساق جاۋىنگەرى بەينەلەنگەن. عالىمدار بۇل قابىردىڭ ءبىزدىڭ داۋىرىمىزگە دەيىنگى V- VI عاسىرلارعا جاتاتىنىن ايتادى.
2017 -جىلى قازاقستاندىق مانەرلەپ سىرعاناۋشى ەليزابەت تۇرسىنبايەۆا كانادانىڭ ۇزدىك مانەرلەپ سىرعاناۋشىلارى قاتىسقان كلۋبتىق تۋرنيردە ەڭ ۇزدىك ناتيجە كورسەتتى. ليزا Toronto CSCC كلۋبىنىڭ نامىسىن قورعادى.
2019 -جىلى الماتىدا «Central Asia Youth Festival» (CAYF) ورتالىق ازيا جاستار فەستيۆالىنىڭ اشىلۋ سالتاناتى ءوتتى، «شىمبۇلاق» تاۋ شاڭعىسى كۋرورتى اۋماعىندا قازاقستان، قىرعىزستان، تاجىكستان، تۇرىكمەنستان، وزبەكستان، ازەربايجان جانە تۇركيادان 18-29 جاس ارالىعىنداعى 300-دەن استام جاس جينالدى. ءىس- شارا جاس كوشباسشىلاردىڭ الەۋەتىن دامىتۋعا، ورتالىق ازيا جاستارى ءۇشىن تۇراقتى ديالوگ الاڭىن قۇرۋعا، ايماقتىق ينتەگراتسياعا، سەرىكتەستىك قارىم- قاتىناس ورناتۋعا، ايماق ەلدەرىنىڭ جاستار رەسۋرستارىن جۇمىلدىرۋعا جانە جاستار ساياساتىنداعى وزىق تاجىريبەمەن الماسۋعا باعىتتالعان.