جۇكتىڭ جالپى سالماعى 22 توننادان اسادى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
جەتكىزىلگەن پارتيادا ينگاۆيرين، پاراتسەتامول، ەرگوفەرون، سۋمامەد، تسەفترياكسون، ليەۆوفلاكساتسين، كارديوماگنيل جانە ت. ب. دارىلەر بار.
بۇل گۋمانيتارلىق كومەك جۇگى ەمەس، ولاردى ءدارىحانا جەلىلەرىنىڭ ديستريبيۋتورلارى ساتىپ الادى. اكىمدىك ءدارى-دارمەكتەردى ساتىپ الۋ ءۇشىن قاراجات ءبولىپ، تاسىمالداۋعا كومەكتەسەدى.
ديستريبيۋتورلار جۇكتى تەكسەرىپ بولعان سوڭ، ءدارى-دارمەكتەر قويمالارعا، ءدارىحانالاردىڭ ءىرى جەلىلەرىنە 1-2 كۇن ىشىندە تۇسەتىنىن اتاپ ءوتتى.
تەك وسى اپتانىڭ وزىندە قالاعا 75 توننادان استام ءدارى اكەلىندى. بۇگىن-ەرتەڭ تاعى ءبىر ءدارى-دارمەك پارتياسى كۇتىلۋدە.
مەملەكەت باسشىسىنىڭ تاپسىرماسى بويىنشا، قالاعا ءدارى-دارمەكتەردى ۋاقتىلى جەتكىزۋ تۇراقتى تۇردە جۇرگىزىلەدى.