جەكەلەگەن وڭىرلەردە جاڭبىر، نايزاعاي كۇتىلەدى. سولتۇستىكتە بۇرشاق جاۋۋى ىقتيمال. كەي جەرلەردە جەلدىڭ كۇشەيۋى ساقتالادى.
سولتۇستىك پەن شىعىستا تۇندە جانە تاڭەرتەڭ تۇمان بولجانادى، دەپ حابارلايدى قازاقپارات. «قازگيدرومەت» ر م ك مالىمەتىنشە، سولتۇستىك قازاقستان، اقمولا وبلىستارىنىڭ كەي جەرلەرىندە نايزاعاي، بۇرشاق، تۇندە جانە تاڭەرتەڭ تۇمان كۇتىلەدى.
قوستاناي، باتىس قازاقستان، اتىراۋ وبلىستارىنىڭ كەي جەرلەرىندە نايزاعاي، 15-20 م/س ەكپىندەگى جەل بولجانادى.
شىعىس قازاقستان وبلىسىنىڭ كەي جەرلەرىن تۇندە جانە تاڭەرتەڭ تۇمان باسادى. جامبىل، كۇندىز پاۆلودار، اقتوبە وبلىستارىنىڭ كەي جەرلەرىندە جەل 15-20 م/س كۇشەيەدى.
كۇندىز اتىراۋ وبلىسىندا قاتتى ىستىق ساقتالادى. سونداي-اق قاتتى ىستىق جامبىل، تۇركىستان وبلىستارىندا كۇتىلەدى.
اتىراۋ، قىزىلوردا وبلىستارىندا، اقتوبە، قوستاناي، اقمولا، قاراعاندى، تۇركىستان، جامبىل، الماتى وبلىستارىنىڭ باسىم بولىگىندە، باتىس قازاقستان وبلىسىنىڭ وڭتۇستىك-شىعىسىندا وتە جوعارى ءورت قاۋپى ساقتالادى.