مينيسترلەر كابينەتى 4-مامىردا شىققان №343 -قاۋلىنىڭ ءماتىنىن جاريالادى.
وندا شەكتەۋ شارالارى 22-مامىرعا دەيىن سوزىلاتىنى ايتىلعان. دەگەنمەن، مينيسترلەر كابينەتى مەملەكەتتىك بيلىك پەن جەرگىلىكتى باسقارۋ ورگاندارىنىڭ جۇمىسىنا قاجەتتى شارالاردى وتكىزۋگە، جاتتىعۋ جاساۋعا (جۇگىرۋ، جاياۋ ءجۇرۋ، ۆەلوسيپەد تەبۋ، مانەرلەپ سىرعاناۋ، مۇگەدەك ارباسىندا وتىرعان سپورتشىلاردىڭ قوزعالىسى)، ۇلتتىق قۇراما كوماندا سپورتشىلارىنىڭ وقۋ-جاتتىعۋىنا رۇقسات بەرىپ وتىر. الايدا ءار ادام ماسكا، رەسپيراتور سەكىلدى قورعانىس قۇرالدارىن كيىپ، ءتيىستى سانيتارلىق جانە ەپيدەمياعا قارسى شارالاردى ساقتاۋى ءتيىس.
سونداي-اق ۇكىمەت حالىققا ساۋدا جانە تۇرمىستىق قىزمەت كورسەتۋگە، ءتيىستى قاۋىپسىزدىك تالاپتارىن ساقتاۋ ارقىلى مۋزەيلەردىڭ جۇمىسىنا مۇمكىندىك بەردى. تەك ءىرى ساۋدا جانە ويىن-ساۋىق ورتالىقتارى جۇمىس ىستەمەيدى. سونىمەن قاتار نوتاريۋس، ادۆوكات، اۋديتورلار مەن پسيحولوگتاردىڭ قىزمەتىنە، ستوماتولوگيالىق كومەك كورسەتۋگە رۇقسات ەتىلگەن.