ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەتتىڭ حابارلاۋىنشا، قارا ۋىلدىرىق الىنعان بەكىرەنىڭ سالماعى - 148 ك گ. ونى بالىقشىلار 1 -ناۋرىزدا جايىق وزەنىنەن اۋلاعان.
«جاساندى جولمەن الىنعان قارا ۋىلدىرىق «وسەتر» اپپاراتىنا سالىندى. كەيىن باسسەيندە، سونان سوڭ توعاندا جەتىلەدى. بەكىرە شاباقتارىن شىلدە- تامىز ايلارىندا جايىق وزەنىنە، ياعني تابيعي ورتاعا جىبەرۋ كوزدەلۋدە. ال، بەكىرە بالىعى جاقىن ارادا كاسپي تەڭىزىنە جىبەرىلەدى» - دەپ حابارلادى ساكەن دىلداحمەت.
ونىڭ مالىمەتىنشە، جىل باسىنان بەرى «جايىق- اتىراۋ» بەكىرە شاباعىن ءوسىرۋ زاۋىتىنا بەكىرە تۇقىمداس بالىقتاردىڭ 57 داناسى اۋلاندى. بيىل تابيعي ورتاعا باعالى بالىقتاردىڭ 75 ميلليون شاباعىن، سونىڭ ىشىندە بەكىرەنىڭ 7 ميلليون شاباعىن جىبەرۋ جوسپارلانعان.