«22 - ناۋرىز كۇنى ساعات 00:00 باستاپ نۇر- سۇلتان جانە الماتى قالالارىنا/قالالارىنان اۆتوموبيل كولىگىمەن جولاۋشىلار تاسىمالداۋ توقتاتىلادى» ، - دەدى ق ر يندۋستريا جانە ينفراقۇرىلىمدىق دامۋ مينيسترلىگىنەن. اتاپ وتىلگەندەي، جولاۋشىلاردى ترانزيتتىك تاسىمالداۋ اتالمىش ەكى شاھار اۋماعىنا كىرمەي جۇزەگە اسىرىلادى.
«ەسكە سالا كەتەيىك، قازاقستان رەسپۋبليكاسىنىڭ پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسياسىنىڭ 2020 -جىلعى 16 - ناۋرىزداعى شەشىمىنە سايكەس رەسەي، قىرعىزستان، وزبەكستان جانە موڭعوليامەن ارادا اۆتوموبيل كولىگىنىڭ بارلىق تۇرىمەن ەكىجاقتى جولاۋشى جانە جۇك تاسىمالداۋ، سونداي- اق قازاقستان رەسپۋبليكاسىنىڭ اۋماعى بويىنشا ترانزيتتىك جولاۋشىلار تاسىمالداۋ توقتاتىلدى. بۇل تىيىم حالىقارالىق قاتىناستاعى جۇك اۆتوكولىك قۇرالدارىمەن جۇك تاسىمالداۋعا تارالمايدى» ، - دەدى ۆەدومستۆودان.